Mateo 21:11 - Biblia Dc en Mixe de Quetzaltepec

¹¹ Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Biblia Mixe de Quetzaltepec

¹¹ Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Mateo 21:11 ပူးပေါင်းရင်းမြစ်များ

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 7:40

Jam may mayjyä'äyjyotm y'ënantë ko jëtu'un tmëtoowtë: Tëy ko ya'atë yë'ëjëty yë Dios yë kyäjpxynyajxpë.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Juan 9:17

Ënet ojts jatëkok tyajtëëwkojnëtëpë mëti'ipë ënety wiints të yajpaatyën: E mijts, ¿wi'ix m'ëna'any, pën yë'ë mëti'ipë të myaj'ijxë'ëkyën? Ets ja ye'etyëjk y'ënäny: Jëtu'unës n'ëna'any ko Dios yë kyäjpxynyajxpë.

Mateo 2:23

Ko jam jyajtë, Nazaret ojts nyëjkxtë tsënääpyë. Jëtu'un y'atëëy mëti'ipë ënety ja Dios ja kyäjpxynyajxpëtëjk të tnikajpxtën, ko y'ënantë, ja Mesías: Nazareno yajtijëty.

Juan 4:19

Ko ja to'oxytyëjk jëtu'un tmëtooy ets y'ënäny: Wintsën, jëtu'unës nja'akyukë ko mijts mkäjpxynyajxpë'ajtp yowë.

Juan 1:21

Tääts tjaakyajtëëwtë: ¿Mpënxën mijts? ¿Dios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Dios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Marcos 6:15

Tam ja wiinkëtypë mëti'ipë ënantëpën: Elías yë'ë, Dios kyäjpxynyajxpë. Ets mëti'ipë ënantëpën: Dios yë kyäjpxynyajxpë ijxtëm tëëyëp myiintën.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Dios kyäjpxynyajxpë, ¿tiixë ko myajnëëpety?

Lucas 13:33

Oy jyatimwyi'ix'ajtpë, njaakyajktu'uye'eyäämpyës yë ntuunk tyam jëpom ets wëxtëjkm. Jä'ä ko ka'ap tjëkyepy wiinktsow yë Dios yë kyäjpxynyajxpë y'ookëty pën ka'ap jyamëty Jerusalén.

Lucas 7:39

Ko ja fariseë ojts jëtu'un t'ixy ja mëti'ipë ënety të wyoyën ja Jesús kääpyë, jëtu'un myäy tyäjy: Ko jeexyë ya'atë ja'ay Dios kyäjpxynyajxpë'atyë, tëë jeexyë tnijawë wi'ix ya'atë to'oxytyëjk jyä'äy'ätyën mëti'ipë toonëp majtsëpën, yë'ë pokyjyä'äy yë'ë.

Mateo 21:10

Ko ja Jesús tyëjkëy ma ja Jerusalén kajpnën, jëtu'un ja ja'ay y'ëkmujk y'ëkxu'umnëtë ets may mëti'ipë yajtëëwtëpën: ¿Pën ja'ay tääpë?

Mateo 21:26

Ka'ap tjëkyepy n'ëna'anmëty ko ja'ay ojts kyexyë, jä'ä ko tsojk ja'ay wi'ix xytyu'unmëty, y'aaknija'awëtëp yë ja'ay ko Juan Dios kyäjpxynyajxpë ijty.

Mateo 21:46

Ënet ja Jesús tjamatsantë. Ka'ap ojts tmatstë jä'ä ko yë'ë ja mayjyä'äy tsyë'këtëp, mëti'ipë myëpëjktëpën ko ja Jesús Dios käjpxynyajxpë jä'ä.