Mateo 21:10 - Biblia Dc en Mixe de Quetzaltepec

¹⁰ Ko ja Jesús tyëjkëy ma ja Jerusalén kajpnën, jëtu'un ja ja'ay y'ëkmujk y'ëkxu'umnëtë ets may mëti'ipë yajtëëwtëpën: ¿Pën ja'ay tääpë?

Biblia Mixe de Quetzaltepec

¹⁰ Ko ja Jesús tyëjkëy ma ja Jerusalén kajpnën, jëtu'un ja ja'ay y'ëkmujk y'ëkxu'umnëtë ets may mëti'ipë yajtëëwtëpën: ¿Pën ja'ay tääpë?

Mateo 21:10 ပူးပေါင်းရင်းမြစ်များ

Hechos 9:5

Tääts ja Saulo tyajtëëy: ¿Mpën mijts, Wintsën? Ets y'ëtsooy: Jesusës ëjts, mëti'ipë m'ixjëtijtyp mpajëtijtypyën.

Lucas 9:9

Ënet ja Herodes y'ënäny: Ëjts ja Juan ojts nni'ënä'ämë ets yajkyo'kpuxëty. ¿Pën ja'ay tääpë mëti'ipës nmëtoy'ajtypyën yajnimëtyä'äky? Paaty ja Herodes tja'ixany ja Jesús.

Lucas 7:49

Ënet ja mëkääpyë nyäyajtëëwëtë mëti'ipë ënety jam mëët y'u'unyëtën: ¿Pën ja'ay jëtää ya'atë? ¿Wi'ix ko poky tme'kxy?

Lucas 5:21

Ënet ja tsajptëkotyëtë yaj'ijxpëjkpëtëjk ets ja fariseë ja'ayëty wyinmaaytyë: ¿Pën ya'atë ja'ay ko Dios tmëkajpxtëkoy? Yi'iyë Dios maayëp pyokymyä'kxëty.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Cantares 3:6

¿Pën ximpë myinyën të'ëts'itjotm ets jëtu'un yaj'ixy jokjoty yowë myiny, yë'ë yowë winjojkp yë on mëti'ipë pa'akxu'kpën ets jëtu'un jyoky tä yë poomën ets tä jyokyën ko yajno'oky yë on wä'än timy myëti'ipëty mëti'ipë pa'akxu'kpën?

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Rut 1:19

Ënet ojts jatëkok tsyoontë nimäjtsk ets jyajtë jam Belén. Ko jam jyajtë Belén, janty mëj'ixy yë ja'ay tja'awëtyë ets ja to'oxytyëjkëty y'ënantë: ¿Ti këtiijën tyaapë jyä'äjëty ja Noemijë?

Juan 2:18

Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kuttujkën ets ya'atë jëtu'un xytyunëty?

Lucas 20:2

ets t'ënëmaaytyë ja Jesús: ¿Pën ja kuttujkën mooyëp ko jëtu'un winë xytyunëty? ¿Pën të m'ëne'emyë?

Mateo 2:3

Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Dios kënu'kxëtëp mëti'ipë të kyexyën yë Wintsën. Hosana. Mëj jaanty yë Dios.

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.