Mateo 21:1 - Biblia Dc en Mixe de Quetzaltepec

¹ Ko ënety ja Jesús mëët ja y'ijxpëjkpëtëjk jam tmëwinkoonëtë ja Jerusalén kajpn ets jyajtë Betfagé, ma ja Olivos Kopkën. Tääts ja Jesús ja y'ijxpëjkpëtëjk nimäjtsk tkejxy,

Biblia Mixe de Quetzaltepec

¹ Ko ënäty ja Jesús mëët ja y'ijxpëjkpëtëjk jam tmëwinkoonëtë ja Jerusalén kajpn ets jyajtë Betfagé, ma ja Olivos Kopkën. Tääts ja Jesús ja y'ijxpëjkpëtëjk nimäjtsk tkejxy,

Mateo 21:1 ပူးပေါင်းရင်းမြစ်များ

Zacarías 14:4

Jä'ä xëëw jam yë Wintsën wya'kta'atsa'any ma Olivë kopkën, mëti'ipë yajpatpën winkon ma Jerusalén kajpnën, maatsow yë xëëw pyëtsimyën. Tu'uk yë mëj joyjyot nëjkx tyajwä'kxy mäjtskpëky yë Olivë kopk. Tu'kpëky nëjkx nyasjäxë anëkëjxytsyow ets tu'kpëky nëjkx nyasjäxë ëpa'tkë'ëytsyow,

Juan 8:1

Ënet ja Jesús ojts nyijkx jam ma Olivo kopkën,

Lucas 21:37

Winjëpom ja Jesús ijty yaj'ixpëky ma ja mëjtsajptëjkën ets koots nyijkx ma ja Olivo Kopkën.

Mateo 26:30

Ko y'ëëwtaaytyë tääts ojts nyëjkxtë ma Olivos kopkën.

Mateo 24:3

Tam ënety ja Jesús y'u'unyë Olivos kopkwinm, ko ja y'ijxpëjkpëtëjk nyimiinëtë ets yajtëëwëtë aak ayi'iyë: Tuk'ëwa'anëtëkës jëna'a jëtu'un jyata'any kyëpäta'any ets tii ijxwë'ëmën yajtuk'ixëp ko ënety mijts miny ets ko ja naaxwiinyëtë ënety kyukëxë?

Hechos 1:12

Tääts ja ijxpëjkpëtëjk tsyo'ontë jam ma ja Olivo Kopkën ets nyëjkxtë Jerusalén. Je'eyë ojts tu'uk mil metrën ye'eytyë, jä'ä ko jëtu'un ja Jutiis ja'ayëty ja y'ënä'ämën y'ëna'antë, ko wäänë ye'eytyëty po'kxënxëëw.

Lucas 22:39

Tääts ja Jesús tsyo'ony ets ojts nyijkx Olivo kopkwinm, ijxtëm ijty tuunk'atyën; ets ja y'ijxpëjkpëtëjk pyatso'onë.

Marcos 14:26

Ko t'ëëwtaaytyë tu'uk ja ëy, jam ojts nyëjkxtë ma Olivos kopkën.

Mateo 20:34

Tääts ja Jesús pya'ëyoowëtë ets ojts ja wyiin tyo'onxëtë. Ënätyë ja ja'ay ja wiintsëtypë ojts y'ijxpëktë ets ja Jesús tpatso'ontë.

Mateo 21:2

ets t'ënëmaay: Nëjkxtë xim ma kajpnën. Jam xypyaata'antë kutsumy tu'uk ja krukts to'oxy mëët tu'uk ja y'u'unk. Mmëkäjëtë ets xyajmintëty nimäjtsk.

Marcos 13:3

Ënet ojts nyëjkxtë jam ma Olivo kopkën ma nyäwyin'ijxpetyën mëët ja tsajptëjk, jam ojts yë Jesús nyaaxweetsy ets ja Pedro, Santiagë, Juan ets ja Andrés tyajtëëwtë: