Mateo 20:34 - Biblia Dc en Mixe de Quetzaltepec

³⁴ Tääts ja Jesús pya'ëyoowëtë ets ojts ja wyiin tyo'onxëtë. Ënätyë ja ja'ay ja wiintsëtypë ojts y'ijxpëktë ets ja Jesús tpatso'ontë.

Biblia Mixe de Quetzaltepec

³⁴ Tääts ja Jesús pya'ëyoowëtë ets ojts ja wyiin tyo'onxëtë. Ënätyë ja ja'ay ja wiintsëtypë ojts y'ijxpëktë ets ja Jesús tpatso'ontë.

Mateo 20:34 ပူးပေါင်းရင်းမြစ်များ

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Lucas 22:51

Ets ja Jesús y'ënëmaayë: Ixmatstë, wä'än jëtu'un. Ets ja Jesús ja teety wintsën ja tyuunpë tatskmëxajëy ets tyajtsoky.

Lucas 7:13

Ko ja Jesús t'ijxy ja to'oxytyëjk ja ku'ookpyë jyi'iy yä'äxy, tääts t'ënëmaay: Amonyë, këtii myä'äxy.

Marcos 7:33

Tääts ja Jesús ojts twoownëjkxy jam jëkämtëkë, ma ka'ap nëkooyë ja ja'ayën ets ja kyë'ë tkutijëy ma ja natpë ja tyatskën, ok ja Jesús ojts tsujywyeey ja kyë'ë ets ojts toonë ja uum ja yyä'än.

Mateo 15:32

Tääts ja Jesús tmëkajpxmujky ja y'ijxpëjkpëtëjk ets t'ënëmaay: Mpa'ëyoopyës ya'atë ja'ayëty, jä'ä ko tëë tyëkëëkxëëwpäjnë ma yaa y'itën mëët ëjts, ets ka'ap tmëët'atë tii kyäytyëp jyë'kxtëpën. Ka'apës nkäxa'antë ma tyëjkën ayuu, jä'ä ko tsojk muum yuukëtawtëty tu'ujoty.

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 9:29

Tääts ja Jesús ojts ja wyiin tyo'onxëtë ets y'ënëmaayëtë: Wä'än jëtu'un tunyë tjatyë tä ja mëpëjkënëtyën.

Mateo 8:15

Tääts ja Jesús toony ja to'oxytyëjk ja kyë'ë ets ja jëënpa'am nyiwatsë. Tääts ja to'oxytyëjk pyëti'ky ets yajkaay yaj'uukëtë.

Salmos 145:8

Yë Wintsën janty'oy jot winma'any tmëëtëty, ets pa'ëyoop najts'ëyo'owëp, mä'kxtujkp ets tsojkp ja'ap.

Salmos 119:71

Nikë tëë tyim'oyë koos ëxëëk të njaty, jëtu'un'äämpyës të nja'akyukë etsës të nnijawë yë m'ënä'ämën mtëyajtën.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Lucas 18:43

Ënätyë ja wiints y'ijxpëjky ets tpatso'ony ja Jesús ets tmëja'aw tkënu'kxyja'awëy ja Dios; ko ja mayjyä'äy jëtu'un t'ijxtë ojts ja Dios tmëjjaw tkënu'kxyjyawëtë.

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Mateo 20:33

Tääts y'ëtsoowtë: Wintsën, yë'ëjës ntsojktëp etsës xyaj'ijxë'ëktëty.

Mateo 21:1

Ko ënety ja Jesús mëët ja y'ijxpëjkpëtëjk jam tmëwinkoonëtë ja Jerusalén kajpn ets jyajtë Betfagé, ma ja Olivos Kopkën. Tääts ja Jesús ja y'ijxpëjkpëtëjk nimäjtsk tkejxy,