Mateo 20:28 - Biblia Dc en Mixe de Quetzaltepec

²⁸ Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Biblia Mixe de Quetzaltepec

²⁸ Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Mateo 20:28 ပူးပေါင်းရင်းမြစ်များ

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Lucas 22:27

¿Yë'ë ko pën jëtää ni'ik mëj, mëti'ipë ënyääpyën ma ja kaaypyäjnën, ëkë mëti'ipë wiinkëëpy kujkëëpyënë? Yë'ë mëti'ipë kaaypyäjn wyin'u'unyääpyën, ¿këtiijë? E ëjts jëtu'unës yaa ma miitsëtyën ijxtëm ja ja'ayën mëti'ipë wiinkëëpy kujkëëpyën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Timoteo 2:6

Jesukristë tëë tku'ookë ja ja'ay ni'ëmukë ets ja nitsokën tpaatëty mëti'ipë yë'ë yajnikëxë'kën jëna'a ënety ja nyixëëw të tpaatyën.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Hebreos 5:8

Oy ja Kristë jya'u'unk'atyë ja Dios, tyukjajt wi'ix myëtowëtyën ko y'ëyooy.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

Hebreos 2:10

Tu'kë'ëyë mëti'ipë jää'ajtpën aak Dios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Dios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Isaías 53:8

Nanëkookyëjxm ojts tmënëjkxtë, ka'ap pën pyukajpxëyë, ets ka'ap pën pya'ëyoowë. Jëtu'un ja'ay yaj'o'kë tä aay ujts yajwijxë'ëkyën, ja nnaax nkajpnës ja nyëë pyoky ojts tkumëtoowë.

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Dios tukmëjuytyëty ets ja jyuukyajtën nyitso'oktëty.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Job 33:24

wä'än pya'ëyoyë ets wä'än Dios t'ënëëmë: Yajpëtsëm o'këntujp, jä'ä ko tëëjës npatë mëti'ipë yajpëtsëmëtëpën ëyo'ontum,

Mateo 20:27

ets mëti'ipë jëyëjp'ataanpën, ni'ikyë mëpaat nyäpyëjktä'äkyë tä tu'uk mëtuunpën.

Marcos 10:45

Jä'ä ko ka'ap yë'ëjëty ëjts të niminy etsës nyajmëtunëty, yë'ëjës të niminy etsës ja ja'ay nmëtunëty ets nkëpätëtyës may ja ja'ay ja pyoky ko ni'o'ktu'utëtyës, jëtu'unts may nyitso'oktëty.