Mateo 20:22 - Biblia Dc en Mixe de Quetzaltepec

²² Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Biblia Mixe de Quetzaltepec

²² Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Mateo 20:22 ပူးပေါင်းရင်းမြစ်များ

Lucas 22:42

Dios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Marcos 14:36

Ets tmëkäjpxy ja Dios: Mijts, Dios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Romanos 8:26

Jëtu'un ja Kënu'kxymyëkajtën xypyutëjkëmë ma tii ntsipja'awëmën. Jä'äkyëjxm ko nkajajtëm wi'ix ja Dios nja'amyäjtsmëtyën ijxtëm pyaat'atyën, yë Kënu'kxymyëkajtën ëëts xykyunu'kxtakëm ma ja Tiosën, jä'ä ko ka'ap ja aaw ayuk yajpaaty wi'ix yajkajpxpëtsëmëtyën.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

Lucas 12:50

Kopkpëky koos n'ëyo'onpaata'any ets njotmaypyaata'any, mëkës n'ëyoy koos njëjp'ixy jëna'a jëtu'un jyata'any.

Jeremias 49:12

Yë Wintsën jëtu'un y'ënä'äny: Ja ja'ayëty mëti'ipë ka'ap të jyapaatëtën jeexyë o'ktëy jyatë kyëpätë, ëxëëk të jyat të kyëpätë; jëtu'un mijts kopkpëky ko näjyëtu'un xykyëpety mëti'ipë mpatëpën.

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Dios ja kyäjpxynyajxpëtëjk jyääytyën. Ënet ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Salmos 75:3

Ko yë naaxwiinyëtë tyëkë yu'kxpë, mëët tëkokyë mëti'ipë ënety tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,

Mateo 26:35

Ënet ja Pedro jyaak'ënany: Oyës ntimy y'ookëty mëët mijts, kä'äpyëm n'ixtija'any. Ets aakjëtu'un y'ënantë ja ijxpëjkpëtëjkëty.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.