Mateo 20:16 - Biblia Dc en Mixe de Quetzaltepec

¹⁶ Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Biblia Mixe de Quetzaltepec

¹⁶ Pën tyam ok yajpatëp, jä'ä jëyëjp itantëp; ets mëti'ipë tyam jëyëjp yajpatëp, jä'ä ok itantëp. Nimay ja ja'ay jyayajyaxtsowtë, niwäänë wyinkëta'aktë.

Mateo 20:16 ပူးပေါင်းရင်းမြစ်များ

Mateo 19:30

Je'eyëp ko nimay ja ja'ayëty, mëti'ipë tyam jëwyiin'ajtëpën, ix'ok wyë'ëma'antë; ets nimay, mëti'ipë tyam ix'okëtyën, jëwyiin nëjkx nyaxtë.

Marcos 10:31

Je'eyëp ko may mëti'ipë tyam jëyëjp'ajtëpën, ix'ok nëjkx nyaxtë; ets may mëti'ipë tyam ix'okën, jëyëjp nëjkx nyaxtë.

Mateo 22:14

Jä'ä ko nimay ja ja'ay jyayajyaxtsowtë, wäänë wyinkëtä'äky mëti'ipë win'ixëtyën.

Lucas 15:7

Tëyës n'ëna'any ko näjyëtu'un jam tsajpjotm xyoonta'aktë ko tu'uk ja pokyjyä'äy jyotwinpity këtiinëm ja nimajkta'px majkpë ja wa'ats ja'ayëty mëti'ipë ka'ap tyajmëyatën jyootwinpitëty.

Romanos 9:30

¿Wi'ix na'ëna'anmëty? Mëët ko të myëpëktë ja ja'ayëty mëti'ipë ka'ap jyutiis'atën, tëë ja Dios yajpokywya'atsëtë mëti'ipë ënety ka'ap t'ixta'atën ja oypyë ja nipaye'eyënë.

Mateo 7:13

Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Lucas 14:24

Tëy miits nëëmëtë, ko ja mëjëyëjpës të njawoyën nijëna'a nëjkx tkakaytyë ja a'ux mëti'ipës të ntuknipëjktaakën.

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Romanos 5:20

Ko ja ënä'ämën ojts kyëjääjë ënät ojts ja poky näjyëtu'un kyëjääjë; je'eyëp ko ja poky ojts kyëjääjë, wäänëni'ik ja Dios ojts ja y'oyjyot y'oywyinma'any kyëjääjë.

Lucas 7:47

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.