Mateo 20:15 - Biblia Dc en Mixe de Quetzaltepec

¹⁵ ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Biblia Mixe de Quetzaltepec

¹⁵ ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Mateo 20:15 ပူးပေါင်းရင်းမြစ်များ

Deuteronomio 15:9

Këtii jëtu'unpë ëxëëk jot ëxëëk winma'any xypyaatëty ets m'ëna'anëty: Tyam ya'atë wëxtujk jëmëjtpë kya'pxanë ma jëtu'unyë nu'kxy yajnime'kxyën. Paaty ka'apës yam tii pën ntuknu'kxa'any ets ka'ap tii ja mjëëky mëku'uk xytyuknu'kxa'anëty. Jä'ä ko pën jëtu'un mijts mja'ay'äty, yë'ë nëjkxëp yë Wintsën tuk'ëwaanë ets ja jëtu'unpë pokytyu'unën nëjkx nyäxy.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Mateo 6:23

e pën ka'ap ja mwiin y'oy'ixy, akootstuuy ja mjot mnini'kx yajpaata'any. Pën ja të'kxën mëti'ipën jam ma mijtsën akootstuuy y'awinpity, nëkooyë ja kootspuknë y'ita'any.

Juan 17:2

Jä'ä ko mijts të xymyo'oy ja kuttujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Hechos 13:45

Ko ja jutiis ja'ay t'ijxtë ko nimay ja ja'ayëty, tääts ja Pablo ojts yajtuk'ëxëëk'ixy, ets ojts twinkajpxpätë, y'ënantë ko nëkoo je'eyë wyin'ëëntë.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Proverbios 28:22

Mëti'ipë ja'ay tyäty atsojkpën, poj'am ja wit meeny tjapaata'any ets ka'ap tnijawë ko niminanëp ja ëyo'on.

Proverbios 23:6

Këtii mnëjkxëty kääpyë ma ja'ayën mëti'ipë wintukën, këtii xy'atsokëty oypyë jyi'kxy pyiky,

Deuteronomio 28:54

Oy ënety tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënety mëk të tsokyën.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Dios mtëytyunëtëty ets mpaye'eyëtëty, jä'ä ko ja Dios, ja tëytyuunpë paye'epyë, tim winkon jä'änë.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Efesios 2:5

tëë xymyo'oyëmën ja juukyajtën ko mëët ja Kristë ma ënety nyajpatëmën ooky ko ja nëë poky nmëët'ajtëmë. Dios ja myëyajtën të ttuny ets miits të xypyaatë ja nitsokën.

Jeremias 18:6

¿E ëjts këtiis jëtää jëtu'un xymyäyëty ntuntëty miitsëty ijxtëm tääpë tu'ts pojtstpënë? Miitsëty jëtu'un nmëët'atë tä tu'uk yë tu'ts pojtspë myo'onts tkë'ëpëk'atyën. Ëjts Wintsën, ëjts ënaanp.

Mateo 20:14

Ëxajë ja mëju'uny ets mnëjkxëty. Pën ëjts të ntuknipëjktaakë koos jëtu'un nmëjuyä'äny tä mëti'ipë ok të tyëkëtën tuunpë,