Mateo 20:12 - Biblia Dc en Mixe de Quetzaltepec

¹² ets t'ënëmaaytyë: Ya'atë ja'ayëty, ok të tyuuntëkëtë, je'eyë të tyuntë tu'k horë, ets näjyëtu'un të xymyëjuy ijxtëm ëëtsëtyën, etsës tu'kxëëwnaxyës të tuntë ets xëëw'an tëë nmëmëta'aktës.

Biblia Mixe de Quetzaltepec

¹² ets t'ënëmaaytyë: Ya'atë ja'ayëty, ok të tyuuntëkëtë, je'eyë të tyuntë tu'k horë, ets näjyëtu'un të xymyëjuy ijxtëm ëëtsëtyën, etsës tu'kxëëwnaxyës të tuntë ets xëëw'an tëë nmëmëta'aktës.

Mateo 20:12 ပူးပေါင်းရင်းမြစ်များ

Lucas 12:55

Ets ko ja jëënpoj myiny ets m'ëna'antë ko y'ana'any; janty aanp.

Santiago 1:11

Ko ja xëëw pyëtsimy ets mëk jyajtä'äky, ënät ja ujts tyi'itsy, ja pyijy kyä'äy, jëtu'un ja y'oyajtën tyëkoy. Näyjyëtu'un ja kumeenyjyä'äy jyäty ma wyit myeenyën.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

1 Corintios 4:11

Tyampaatës ja ëyo'on n'ixtë npaatë, ja yuu tëëtsë ets ko ja wit xox kyaka'ty, ëxëëkjaty ja ja'ay xytyuntës, ka'apës tii ja njëën ntëjkëty.

Romanos 3:30

jä'ä ko tu'ukyë je'eyë Dios, mëti'ipë oy yajwë'ëmpyën ja ja'ay ko myëpëktë, wä'än tjutiis kyajutiisëty, pën tsuky katsuky.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Dios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Dios wintum ets ka'ap yë'ëkyëjxmëty ko tpatuntë ja ënä'ämën.

Malaquías 3:14

Jëtu'un të m'ëna'antë: Nëkoopë Dios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Dios wintum mëti'ipë maaytyääyëpën winë?

Malaquías 1:13

Miitsëty jëtu'un m'ëna'antë: Tëës nmëtsipkä'äxnëtë tu'kë'ëyë ya'atë. Xy'ixtijnëtëpës. Ets ni'ikyë mmaytyë mtajtë ko ntukxoontäkpyës ko xymyëmintë ja kupixyny ëkë ja tsajpkaa mëti'ipë meetsyën ëkë tekymya'atën ets jä'ä xytyukwintsë'ëkëja'antës

Jonás 4:8

Ko ja xëëw pyëtsiimy, ënät ja Dios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Mateo 20:11

Ko t'ëxajëtyääytyë ja myëju'uny, tam mëti'ipë ojts ka'ap ja myëju'uny tukjotkëtä'äkyën, ja kukam yajnikajpxp,