Mateo 2:5 - Biblia Dc en Mixe de Quetzaltepec

⁵ Tääts y'ëtsoowëtë: Belén, Judea y'itjotm, ijxtëm ja Dios ja kyäjpxynyajxpë y'ënantën:

Biblia Mixe de Quetzaltepec

⁵ Tääts y'ëtsoowëtë: Belén, Judea y'itjotm, ijxtëm ja Tios ja kyäjpxynyajxpë y'ënantën:

Mateo 2:5 ပူးပေါင်းရင်းမြစ်များ

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Mateo 2:4

Ënet ja Herodes twoowmujktaay ja teety wintsëntëjk ets näjyëtu'un ja tsajptëkotyëtë yaj'ijxpëjkpëtëjk ets tyajtëëy, ¿maa myina'any kyä'äxa'any ja Kristë?

Juan 7:42

Jëtu'un ja Dios ja y'aaw y'ayuk y'ënä'äny ko ja yajkutujkpë David ja y'u'unk y'ok nëjkx Kristë'aty ets jam tsyoona'any Belén, jä'ä ko jam ja David ijty kyukajpnëty.

Josue 19:15

Ma tääpë naaxjotmën majkmäjtsk ijty jam yë kajpn mëjëtypë, ëpëky ja myutsk kajpnëty. Ya'atë kajpnëty jä'ä txëëwatë Catat, Nahalal, Simrón, Idalá ets Belén.

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Rut 1:1

Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

Rut 1:19

Ënet ojts jatëkok tsyoontë nimäjtsk ets jyajtë jam Belén. Ko jam jyajtë Belén, janty mëj'ixy yë ja'ay tja'awëtyë ets ja to'oxytyëjkëty y'ënantë: ¿Ti këtiijën tyaapë jyä'äjëty ja Noemijë?

Rut 2:4

Tam ënety tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Dios mkënu'kxëtëp. Näyjyëtu'un mijts, Dios mkënu'kxëtëp. Jëtu'un y'ëtsoowtë ja tuunpëtëjkëty.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.