Mateo 2:2 - Biblia Dc en Mixe de Quetzaltepec

² Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Biblia Mixe de Quetzaltepec

² Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Mateo 2:2 ပူးပေါင်းရင်းမြစ်များ

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 45:11

jä'ä ko yë yajkutujkpë y'oy'ijxyp ko mijts m'oyëty mtsujëty; yë'ë mwintsën'ajtyp ets yë'ë patëp xymyëmëtowëty.

Isaías 60:3

Nëjkxëp ja wiinkëtypë ja naax kajpn tnimintë ja mtë'kxën mjajën, ja yajkutujkpëtëjk nyiminantëp ja mxëënyajtën.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 30:9

Ëjts nëjkx xymyëtuny, ëjts maas nxëëwatyën Wintsën, nëjkxëp tmëtuntë yë David, mëti'ipës npëjkta'akäämpyën ënä'ämpë yajkutujkpë.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 2:3

Ko ja yajkutujkpë Herodes jëtu'un tmëtooy, tääts ojts tmëmay tmëtajy, näjyëtu'un mëët ni'ëmukë ja Jerusalén ja'ayëty.

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Mateo 27:11

Tam ënety ja Jesús twintänë ja yajkutujkpë Poncio Pilato, ko yajtëëwë: ¿Mijts jëtu'un myajkutujkpë ma jutiis ja'ayëtyënë? Tääts ja Jesús y'ëtsooy: Mijts jëtu'un m'ënaanp.

Lucas 19:38

Tääts y'ënantë: Kënu'kxy mëjjawë ya'atë Yajkutujkpë mëti'ipë myëmiinpyën yë Wintsën yë xyëëw. Wä'än tjam'aty ja jotkujk'ajtën tsajpjotm ets yaa naaxwiiny.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Lucas 23:3

Tääts ja Pilato tyajtëëy: ¿Mijts ja jutiis yajkutujkpë? Ënet ja Jesús y'ëtsooy: Mijts jëtu'un m'ënaanp.

Lucas 23:38

Tam ja letrë ënety të tkëxja'atë kyëpäjky, griego, latín ets hebreo ayuk mëti'ipë ënaanpën: Ya'atë ja jutiis yajkutujkpë.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 12:13

Ënet ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Dios kënu'kxëtëp mëti'ipë miinpën Wintsën xyëëwkëjxm. Dios kënu'kxëtëp yë Israel yajkutujkpë.

Juan 18:37

Ënet ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënet ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 19:19

Ets ja Pilato tni'ënä'ämëy ets ja ayuk jam yajkëxja'ajëty kruuts këpäjky mëti'ipë ënaanp: Jesús Nazaretëtë ja'ay, jutiis ja'ay yajkutujkpë.

Juan 20:28

Ënet ja Tomás y'ëtsooy: Mijts nteety'äjtyp, mijts nTios'ajtyp.

Juan 5:23

e ja Dios U'unk näjyëtu'un yajwintsë'ëkëty ijxtëm ja Dios Teetyën. Pën ka'ap twintsë'ëkë ja Dios U'unk, nän ka'ap twintsë'ëkë ja Dios Teety mëti'ipë kyejxypyën ja Dios U'unk.

Juan 9:38

Ënet ja ye'etyëjk y'ënëmaayë: Wintsën, nmëpëjkpy mijts.

Hebreos 1:6

Näyjyëtu'un wiinktsow y'ënä'äny ko tkejxy yaa naaxwiiny ja y'u'unk, mëti'ipë ijtpën ijxtëm ja kä'äxkopkën, ko tu'kë'ëyë ja Dios ja y'anklës t'ëwtatëty ja Dios U'unk.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.