Mateo 2:18 - Biblia Dc en Mixe de Quetzaltepec

¹⁸ Yajmëtoow jam Ramá ko ja ja'ay jyë'ëtë ya'axtë; Raquel ja y'u'unk y'ëna'k nyiyäxyp, ets ka'ap tkupëjky ets pën yajjotkujkëtëty, jä'ä ko tëë ënety ja y'u'unk y'ëna'k y'o'kta'atë.

Biblia Mixe de Quetzaltepec

¹⁸ Yajmëtoow jam Ramá ko ja ja'ay jyë'ëtë ya'axtë; Raquel ja y'u'unk y'ëna'k nyiyäxyp, ets ka'ap tkupëjky ets pën yajjotkujkëtëty, jä'ä ko tëë ënäty ja y'u'unk y'ëna'k y'o'kta'atë.

Mateo 2:18 ပူးပေါင်းရင်းမြစ်များ

Génesis 37:30

Tä ojts tninëjkxy ja myëkä'äxtëjk ets t'ënëmaay: Ka'ap jap pën ja mëxynyë ma të n'apëjkëmën, tyam ¿tiijës ënät ntuunta'akëp?

Génesis 42:36

Ënet ja Jacob t'ënëmaay ja y'u'unk y'ëna'k: Miitsëty u'unktukës je'eyë xyajwë'ëmnëtë, yë José ka'ap yajpaaty ma ëtsajtëmën, Simeón nän ka'ap e tyam yë Benjamín ënät näjyëtu'un xypyëjkëjantëpës ets xëmë aak'ëjts jëtu'un winë xytyukkëtakpäjtääpy.

Job 14:10

E yë naaxwiinyëtë ja'ay ko y'ooky, tii y'ëktsooy'atëp; ko y'ooky ¿maa nyijkxy?

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Ezequiel 2:10

Ënet ja kë'ë të txa'tstëy ja noky ëjts nwintuuyës. Mäjtskpa'a jyä'äyëty, yë'ë jap kuja'ay miimp: yë jë'ëyën yaxën, monyëtukyë ets ëtsu'uxyaxën.

Mateo 2:17

Jëtu'un y'atëëy ja aaw ayuk mëti'ipë ja Dios ja kyäjpxynyajxpë Jeremías ojts tnikäjpxyën:

Lucas 8:52

Nimay ja ja'ay ja kiixy u'unk tnijë'ë tniya'axtë ets ja Jesús y'ënëmaayëtë: Këtii mya'axtë, ka'ap yë kiixy u'unk të y'ooky, maap je'eyë.

Apocalipsis 8:13

Tam ënety jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.