Mateo 2:13 - Biblia Dc en Mixe de Quetzaltepec

¹³ Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Biblia Mixe de Quetzaltepec

¹³ Tëë ënäty ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Mateo 2:13 ပူးပေါင်းရင်းမြစ်များ

1 Reyes 11:17

E ja Hadad mutsk'ajtpnëm ënety ko jëtu'un tyuunë jyajtë, jap ojts jyaak käktso'oky Egiptë mëët mäjtsk tëkëëk yë myëkukajpn mëti'ipë jam mëtuuntëpën ma tyëjkën.

1 Reyes 3:5

Tëkok ojts wyinkuma'ay jam Gabaón, jä'ä twin'ijxy Wintsën nyiminyë ets y'ënëmaayë: Amëtoowkës tii mtimtsyojkpyën ets tyam nmo'ojëty.

Job 33:15

Jëna'ajëty koots y'ëtsoowinpity, kuma'ayjoty ëkë ko ijxën myä'äty, ko mya'atë ja ja'ay, ko ja tsuu wyiintëkëtë.

Job 33:17

ets tukmëjëkämkä'äka'any ëxëëktu'un ëxëëk kajpxën, këtiipë mëj jaanty nyäyajnaxëtëty.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Mateo 2:12

Ko ënety të t'ëkwintsë'ëkëtë ja mëxu'unk, tääts ojts yajtuk'ëwaanëtë kuma'ayjoty ko ka'ap nän jam y'ëkwinpijnëtëty ma ja Herodes. Tääts wyimpijnëtë ma wiink tu'ujën ets nyëjkxnëtë kyajpnjotm.

Mateo 2:14

Tääts ja José pyëti'ky koots ets ja mëxu'unk ojts tsa'anë'ëky ets tsyo'ony mëët ja Maria ets nyëjkxtë Egiptë.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Mateo 2:22

Ko tnija'awëy ja José ko yë'ë ja Arquelao jam yajkutujkp Judea y'itjotm ets yë'ë ja tyeety Herodes të tkutëkë, tsë'kë ja José ets jam nyëjkxëty. Kuma'ayjoty ojts ja Dios y'anklës tyuk'ëwaanëty ets ka'ap tsyëënëty jam Judea, paaty ojts nyijkxy jam Galilea.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

Hechos 12:11

Ënet ja Pedro ojts nyäjya'awëpyäätyë ko tëy mëti'ipë tuunëp jajtëpën. Tää y'ënäny: Tyamës nja'akyukë ko ja Wintsën ja y'anklës të tkexy etsës npëtsëmëty pujxn tëkoty, këtiipë wi'ix xytyuntëtyës yë Herodes mëët ja jutiis ja'ayëty ijxtëm të tjatuknipëjktaakëtën.

Hechos 12:7

Ënet ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Hechos 16:36

Ënet ja pujxntëjk këwent'ajtpë t'ënëmaay ja Pablo: Tëës ja kutuunktëjk xytyuk'ënä'ämtë ets n'ëxmatstëty. Oy mnëjkxtëty akujk jotkujk.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hechos 7:19

Yë'ë ja nteety'ajt n'ap'ajtëm ojts wyin'ëënëtë ets ëxëëk tyuunëtë; ojts y'atsip'atëtë ets t'ëxmatstëty ja y'u'unk y'ëna'k ets y'ooktëty mëti'ipë ënety je'eyë të myëxu'unk'atën.

Josue 3:13

Ko yë teetytyëjkëty ëka'any kyuwa'akëtëty nëëjoty mëti'ipë ja kaaxë kyiiynyëjkxtëpën, mëti'ipë ja käjpxytyu'unën myë'ijtypyën, ënät ja nëë nyäwya'kxa'anyë mäjtskpëky: tu'kpëky anëkëjxytsyow ets tu'kpëky ëpa'tkë'ëytsyow ets kyëxë'ëka'any jëtu'un yowë ja nëë nyäwyimpijtmukyë.

Josue 3:17

Tëkokyë ja Israel ja'ayëty ojts tuknajxta'atë ja nëë të'ëts wa'ats, koonëm ja ja'ay nyajxtaaytyë; ja teetytyëjkëty jap nëëjoty tmëëtënaaytyë ja kaaxë mëti'ipë ja käjpxytyu'unën myë'ijtypyën.

Josue 4:10

Ja teetytyëjkëty mëti'ipë kyiiytyëpën ja kaaxë, mëti'ipë myë'ijtypyën ja käjpxytyu'unën, jap ojts tmëwa'ak'oyëtë nëë'itkujky, tyam ja Israel ja'ayëty jyänty nyajxkojtë ets tuunta'atë tä ënety ja Wintsën të tni'ënä'ämën ma ja Josuéjën. Tu'kë'ëyë tuuntaaytyë tä ënety ja Moisés të tuk'ëne'emyën ja Josué. Ja ja'ayëty poj'am ojts jyänty nyajxkojtë,

Josue 4:18

Tim je'eyë ojts pyëtsëmtë ja teetyëty jap nëëjoty ma ja Jordán nëëjën ets wya'ak'o'oyëtyë jam nëëpë'am, ënätyë ojty ja nëë jatëkok nyämyukyë ets pyëyë'ktso'ontë janty kom, jëtu'un tä ënety të y'ëk'ijtpën.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënety të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.

Apocalipsis 12:4

Ja pyi'ixy, jä'ä tyukpijtmujkpy tu'kpëky ja tëkëëk pëkpyë ja matsa'a tsajpwinmëpë ets naaxkëjxy tyajnaaxkëtä'äky. Ja mëj tsa'any, yë'ë wa'ak'o'oyëy ma ja to'oxytyëjkën mëti'ipë u'unkpaataanpën ets ja y'u'unk ënätyë tsu'utsanë ko myëxu'unk'atëty.

Apocalipsis 12:6

e ja to'oxytyëjk jam ojts kyäknëjkxy të'ëts'itjotm ma ënety ja Dios të t'ijxkukën ja it ets jam tyajkayä'äny tyaj'uuka'any tu'uk mil ja mäjtsk mëko'px ja tëkë'px xëëw.