Mateo 2:11 - Biblia Dc en Mixe de Quetzaltepec

¹¹ Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Biblia Mixe de Quetzaltepec

¹¹ Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënät tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Mateo 2:11 ပူးပေါင်းရင်းမြစ်များ

Génesis 43:11

Ënet ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

1 Reyes 10:10

Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënety jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Éxodo 30:23

Ëxta'a mijts kë'ëm yë aay ujts mëti'ipë pa'akxu'kpën, tëtujk tsim mëti'ipë ni'ik pa'akxu'kpën, tëkëëk tsim yë canelë, tëkëëk tsim yë waxk mëti'ipë pa'akxu'kpën,

Éxodo 30:34

Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Cantares 3:6

¿Pën ximpë myinyën të'ëts'itjotm ets jëtu'un yaj'ixy jokjoty yowë myiny, yë'ë yowë winjojkp yë on mëti'ipë pa'akxu'kpën ets jëtu'un jyoky tä yë poomën ets tä jyokyën ko yajno'oky yë on wä'än timy myëti'ipëty mëti'ipë pa'akxu'kpën?

Isaías 60:6

Yajxon xy'ixëty nimay myintë ja jëyujk jëku'uxëty mëti'ipë tso'ontëpën Madián ets Efá; miinta'ajantëpë Sabá ja'ayëty, myëminantëp yë pu'ts pujxn ets poom, ets tmëjjawëja'antë yë myëj'ajt y'oyajtën yë Wintsën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Mateo 1:18

Jëtu'un ja Wintsën Jesukristë myiiny kye'exy. Yë Maria, ja Jesús tyaak, yë'ë ënety mëët ja José tsyëënëja'any. Ka'anëm ënety tsyëënëtë tääts ja Maria ojts wyi'imy u'unk mëët, ja Wintsën ja myëk'ajtën y'oyajtën ojts tyukëtä'äkyë.

Mateo 12:46

Tamnëm ënety ja Jesús ja mayjyä'äy tmëëtmëtyä'äky ko myiintë ja tyaak ets ja myëkä'äxtëjk. Jäpyë tëjk ëkë'p ojts wyë'ëmtë, Jesús myëkajpxantëp.

Mateo 14:33

Ets pënjaty ënety jap kepy nëëwinye'epyëjoty, ojts nyäkyoxtënaaytya'akëtë Jesús wyintuuy ets t'ënëmaaytyë: Tëy jëtu'un, Dios U'unk mijts.

Mateo 2:10

Ko ja matsa'a ixtääpyë t'ijxtë ko ja matsa'a, janty xoontä'äky ojts nyäyjyawëtë.

Mateo 2:2

Jä'ä ojts tyajtëwtë: ¿Maa ja jutiis ja'ayëty yajkutujkpë të myiny të kye'exy? Tëës n'ixtë ja myëtsa'a xëëwpëtsëmy, paatyës nmintë yë'ëjës n'ëwtatantëp.

Lucas 2:16

Tääts janty jotëkoy ojts nyëjkxtë ets tpatë ja Maria ets ja José, tam ja mëxu'unk kyo'knë jëyujk ajë'kxënjoty.

Lucas 2:38

Tääts ja Aná nän jää jyä'äjty ets ja Dios tkukajpxëy ets ojts tnikäjpxy tnimëtyä'äky ja mëxu'unk Jesús, ma ja ja'ayëtyën mëti'ipë jyëjp'ijxtëpën ets ja jerusalén kajpn y'ëwaatsëpëtsëmëty.

Juan 19:39

Näyjyëtu'un ja Nicodemo, mëti'ipë ojts ja Jesús tëkok mëët myëtyä'äkyën koots; yë'ë ojts tmëja'ty tëkëëk tu'ts ja pa'akxu'kpë nëë xëpiny mëët ja mirra ets áloe.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Dios ja'amyäjtsën mëti'ipë tyuuntëpën ja mëpëjkpëtëjk.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.