Mateo 19:5 - Biblia Dc en Mixe de Quetzaltepec

⁵ Ets ja Jesús y'ënäny: Paaty ja ye'etyëjk ja tyaak tyeety t'ëxmatsëty ets ja tyo'oxytyëjk mëët tsyëënëty jyuuky'atëty, jëtu'un nimäjtsk tu'ukyë yajpaatëty.

Biblia Mixe de Quetzaltepec

⁵ Ets ja Jesús y'ënäny: Paaty ja ye'etyëjk ja tyaak tyeety t'ëxmatsëty ets ja tyo'oxytyëjk mëët tsyëënëty jyuuky'atëty, jëtu'un nimäjtsk tu'ukyë yajpaatëty.

Mateo 19:5 ပူးပေါင်းရင်းမြစ်များ

1 Corintios 7:4

Ni yë'ë to'oxytyëjk nätyu'uk tkajä'äjëty ja nyi'kx kyopk, tu'ukyë mëët tjä'ä'aty ja nyiye'etyëjk; ni yë'ë ye'etyëjk nätyu'uk tkajä'äjëty ja nyi'kx kyopk, jyä'ä'ajtyp näjyëtu'un ja tyo'oxytyëjk.

1 Corintios 7:2

je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

Efesios 5:31

Paaty yë ye'etyëjk t'ëxmatsa'any ja tyaak tyeety ets tu'ukyë y'ita'any mëët ja tyo'oxytyëjk, jëtu'un nimäjtsk tu'ukyë yajpaata'antë.

1 Corintios 6:16

¿Ka'ap miits xynyijawëtë ko tu'uk ja ye'etyëjk nyämyukyë mëët ja ku'into'oxy, tu'ukyë nyämyukyë? Jëtu'un ja Dios ja y'aaw y'ayuk y'ënä'äny: Ja ja'ay nimäjtskpë, jëtu'un jä'ä wyimpity ijxtëm ja ja'ay tu'ukpën.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Salmos 63:8

Mijtsës oy tsuj xyajjuuky'ajtp, ets mijtsës xykyuwaanp xykyënu'kxp.

1 Samuel 18:1

Ko yë David myëtyaktaay mëët yë Saúl, yë Jonatán janty'oy ojts tmëku'ukjawë David, jëtu'un ojts timy tsyoky timjyawë tä kë'ëm nyätsyokyën.

Deuteronomio 11:22

Pën miitsëty mpatuuntëp ya'atë ënä'ämën tëyajtën, mëti'ipë tyam ntuk'ënä'ämtëpën ets xypyatuntëty ets pën mtsojktëp mja'awëtëp yë Wintsën mëti'ipë miits mTiosajtëpën ets yë'ë xypyanëjkxtëty tëkokyë yë nyë'ë tyu'u,

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Deuteronomio 4:4

E tëkokyë miitsëty, jënu'un ojts yi'iyë xytyuk'ijxpätën yë Wintsën mëti'ipë mTiosajtëpën, ix tyaa myajpaatë je'eyëm juuky tsuxk.

Génesis 34:3

E ja Siquem yajxon ojts ja Dina tjanty tsyojkën'aty ets ja jyot wyinma'any t'ëwa'anëy ets jeexyë ja Dina tsyojkën'atyë.

1 Reyes 11:2

yë'ë ya'atë to'oxytyëjkëty mëti'ipë ojts yë Wintsën tnikäjpxyën ka'ap mëët ja Israel ja'ayëty pyëktëty y'uuktëty, jä'ä ko pën pëjktëp uktëp mëët kopkpëky ko ja jyot wyinma'any yajtëko'oyxyëtëty. E ja Salomón mëët ko ja tsyojkën jya'awën tyajwintu'upëjky myëëttsënaay jëtu'unpë ja to'oxytyëjk.

2 Samuel 1:26

Ëjts, mëkës nmony ntuky mëët mijts Jonatán mëët ko mëj këjää nmëku'ukjawë. Ko mjuuky'äjty janty tsuj janty'oy mijts xyjyëkyejpyës. Yë mtsojkën mja'awën maas ëjtsën ni'ik yë'ë nyajmëjnaxyës këtiinëm jyëtu'unëty ko tu'uk yë to'oxytyëjk xytsyojkmëty xyjya'awëmëty.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Mateo 19:6

Jëtu'unts ka'ap y'ëknimäjtsk'ajnëtë, tu'ukyë yajpatnëtë. Paaty ka'ap tjëkyepy ja ja'ay tyajkwa'kxëty mëti'ipë ja Dios të tyajnämyukyën.

1 Samuel 25:43

Ojts yë David ëpëky mëët pyëjkpë y'ukpë yë Ahinóam jampë kyukajpnëtyën Jezreel, nimäjtsk yë tyo'oxytyëjk y'ijty.