Mateo 19:4 - Biblia Dc en Mixe de Quetzaltepec

⁴ Tääts ja Jesús y'ëtsooy: ¿Këtii xykyajpxtënëm ja mëti'ipë kuja'ay miinpën ko Dios ojts tyajkojy yë naaxwiinyëtë ja'ay, ye'etyëjk ets to'oxytyëjk ojts tyajkojyë?

Biblia Mixe de Quetzaltepec

⁴ Tääts ja Jesús y'ëtsooy: ¿Këtii xykyajpxtënëm ja mëti'ipë kuja'ay miinpën ko Tios ojts tyajkojy yë naaxwiinyëtë ja'ay, ye'etyëjk ets to'oxytyëjk ojts tyajkojyë?

Mateo 19:4 ပူးပေါင်းရင်းမြစ်များ

Génesis 2:23

Ko ja ye'etyëjk t'ijxy ja to'oxytyëjk, ënät y'ënäny: Ya'atë tëy nkë'ëmnini'kxës yë'ë ets nkë'ëmpajkës yë'ë. Paaty yë'ë jä'ä txëëwatëty to'oxytyëjk, jä'ä ko yë Dios nän jämyë të tyajpëtsëmy ma ye'etyëjkën.

Génesis 1:27

Ko yë Dios ojts tyajkojy yë naaxwiinyëtë ja'ay, jëtu'un ojts tyajkojy ijxtëm yë'ë kë'ëm y'ixëtyën, ye'etyëjk ets to'oxytyëjk ojts tyajkojy.

Génesis 5:2

Ye'eytyëjk ets to'oxytyëjk ojts tyajkojy ets tmooy yë kyënu'kxën. Ja xëëw ma Dios ojts tyajkojyën yë naaxwiinyëtë ja'ay, ënät ojts y'ënä'äny: Ja'ay txëëwatëty.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Lucas 10:26

Ets ja Jesús y'ëtsoowinpijtë: ¿Wi'ix ja Moisés ja y'ënä'ämën kyëxja'ayëty? ¿Wi'ix jap xykyäjpxy?

Génesis 2:18

Ënet ja Wintsën y'ënäny: Ka'ap yowë y'oyëty ko yë ye'etyëjk atu'uk y'ity. Minës ëpëky n'ëkyajkojy mëti'ipë putëkëtëpën.

Mateo 22:31

E mëëtpë ja o'kpëtëjkëty ko jyuukpyëka'antë. ¿Këtii xykyajpxtënëm ma Dios kë'ëm y'ënä'änyën:

Mateo 12:3

Ets ja Jesús y'ëtsooy: ¿Ka'anëm miits xykyajpxtë mëti'ipë ja David tyuunën ko ja yuu pyatëtë mëët ja myëku'uktëjkë?

Marcos 12:26

E ko xymyëmay xymyëtajtë ja o'kpë pën juukpyëjkp kajuukpyëjktëp, ¿ka'anëm xykyajpxtënëm mëti'ipë ja Moisés ojts tkuja'ayën, ma tnimëtyä'äkyën wi'ix ja Dios ojts myëkäjpxyë ma ja kepy ënety wyintoyënë? Ma ja Dios y'ënëmaayë ja Moisés: Ëjts xyTios'ajt ja Abraham, Isaac ets Jacob.

Marcos 12:10

Këtii xykyajpxtënëm ja Dios ja y'aaw y'ayuk këxja'aypyë mëti'ipë ënaanpën: Ja tsaa mëti'ipë ja pojtspë ojts tpäxtën, nikë jä'ä tyam të y'awinpity mëjtsaakopk ma potsy'ëjxën.

Marcos 2:25

Tääts ja Jesús y'ëtsooy: ¿Këtii xykyajpxtënëm tii ja David tyuunën mëët ja myëku'uktëjk ko ja yuu pyatëtë, ko ënety nitii tkamëët'atë?

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Lucas 6:3

Tääts ja Jesús y'ëtsooy: ¿Ka'anëm miits xykyajpxtënëm nokyjoty tii ja David tëkok tyuunën mëët ja myëku'uktëjk ko ja yuu pyatëtë?

Mateo 21:6

Tääts ja Jesús ja y'ijxpëjkpëtëjk ojts nyëjkxtë ets tuuntë jëtu'un tä ënety të yaj'ënä'ämtën.

2 Crónicas 24:3

Yë Joiadá ojts yajpëkyë, mäjtsk ja tyo'oxytyëjk tyukpëjkë, mëti'ipë mëët ja u'unk maay tmëët'ajtyën ye'etyëjkpë to'oxytyëjkpë.