Mateo 19:28 - Biblia Dc en Mixe de Quetzaltepec

²⁸ Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Biblia Mixe de Quetzaltepec

²⁸ Tääts ja Jesús y'ëtsoowëtë: Tëy miits n'ënëëmëtë, ko ënäty winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Mateo 19:28 ပူးပေါင်းရင်းမြစ်များ

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënety të t'ëxajëtën ja kuttujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Dios ja y'aaw y'ayuk ets mëti'ipë ënety ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 7:4

Jëtu'un të nmëtoyës ko mëko'px ja wëxtyikxy majktaxk mil të yajtsa'atë ja Israel ja'ayëty, ja nimajkmäjtsk pëkpyë ja Israel ja y'u'unk y'ok.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Isaías 66:22

Näyjyëtu'un yë Wintsën të y'ënä'äny: Jëtu'un tä jempyë tsajpën ets jempyë naaxën mëti'ipës nyajkojäämpyën, xëmëkyëjxmëpë y'ita'anyën, jëtu'un nëjkx xëmëkyëjxm y'itë yë m'u'unk m'okëty ets mxëëw.

Isaías 65:17

Ëk'ixtë, ëjts nyajkojäämpyës yam jemypyë tsajp ets naaxwiinyëtë. Mëti'ipë të nyäxyën tëë ja kyixy ets ka'ap mëpaat y'ëkyajja'amyäjtsnë, ets ni pën nëjkx jëna'a tka'ëkjot'ajnë.

Apocalipsis 21:5

Ënet y'ënäny mëti'ipë u'unyääpyën jam ma kutujktaknën: Ëjts nyajkojpy aak jemy oy tyimtiijëty. Ets näjyëtu'un y'ënäny: Kuja'a, ko tëy jaanty ya'atë aaw ayuk ets ëmuumtu'ukjot yajmëpëkëty.

Apocalipsis 4:4

Ma ja kutujktaknën, jam n'ijxyës na'ëwtity i'px taxk ja kutujktakn. Jamts ja mëjja'aytyëjk ni''i'px taxk y'u'unyëtë aak poop xoxyëty ets aak pu'ts pujxn kyujup'ajtëp.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

2 Timoteo 2:12

Pën nku'ëyo'owëm, näjyëtu'un mëët nyajkutuka'anëm. Pën nkuyu'tsëm, näjyëtu'un yë'ë xykyuyu'tsa'anëm.

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Mateo 20:21

Tääts ja Jesús tyajtëëy: ¿Tii mtsojkpy? Ets ja to'oxytyëjk y'ëtsooy: Ëjts yë'ëjës ntsojkpy etsës ja nmaank nimäjtsk jam y'u'unyëtëty mpë'am ma mkutujktaknën, tu'uk m'a'oytsyow ets tu'uk m'anajnytsyow.

Apocalipsis 22:2

Jamts mëjtu'ukujkm ye'ey ja mëjnëë ma ya'atë kajpnën ets jam nëëpë'am, jam ja kepy yony mëti'ipë yajjuuky'ajtpën. Wimpo'o ja tyëëm'aty ets ja y'ääy tsooy'ajtëtë ja naaxwiinyëtë ja'ay.

Esdras 6:17

Ma ja wintsë'kën tyajktën: jä'ä ja tsajpkaa u'unk tyaj'o'ktë nimëko'px; nimäjtsk mëko'px ja tsajppax ets taxk mëko'px ja kupixyny; ëpëky wiinkpë tsajppax nimajkmäjtsk, mëti'ipë ja Israel ja'ayëty nätyukunajxëtën, ja nimajkmäjtskpë y'aptëjk'atën, ma ja nëë poky të tuuntëkoytyën.

1 Reyes 18:31

Tä tkoonë'ky majkmäjtsk yë tsaa, jëtu'un tä ënety ja Jacob ja y'ëna'kën, mëti'ipë yë Israel ja'ayëty y'ap'ajtëpën, mëti'ipë ja Wintsën ojts tyajxëëwpetyën Israel.

Josue 3:12

Paaty win'ixtë yë mëku'uktëjkëty mëti'ipë mkutänëtëpën, nimajkmäjtsk xywyin'ixtëty, yë'ë nitu'ukjaty kyutänëtëp ja aptëjk.

Éxodo 28:21

Jä'ä ja tsaa xypyëjkta'aktëty majkmäjtsk, jä'ä ko yë Jacob yë y'u'unk y'ëna'k nyimajk mäjtsk'atë. Ma tu'ukjatypë ja tsaajën jam yajkëxtsa'ajëty ja ja'ayxyëëw, jëtu'un tä tii yajkëxtsa'ayën.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Éxodo 15:27

Kom ok tääts jam jya'ajtë ma txëëwatyën Elim, majkmäjtsk ënety jam ja nëë awookë ets tëkë'px majk ja tëëxykyepy, jam ja Israel ja'ayëty tsyënaaytyaknpëjktë.

Apocalipsis 12:1

Ënet kyëxë'ky tu'uk ja mëj ijxpät jam mëjtsajpwinm: tu'uk ja to'oxytyëjk tyänë xëëw nijuuxy po'okëjxm. Jëtu'un nyi'kx kyopk ijxtëm xëëw y'änyën ets tam yë kyujän, majkmäjtsk ja matsa'a tmëëtëty.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Mateo 19:27

Ënet ja Pedro y'ënäny: Tëës tu'kë'ëyë n'ëxmajtsta'ay mëti'ipëjaty ijty nmëët'ajtëpës ets mijts të myajpatsoony. ¿Tii ënät ëëts nkuma'ayën'atëp?

Marcos 10:37

Tääts y'ënantë: Mtunëp yë mëyajtën, ko ënety xypyääty ja mëj'ajt mkutujkën, xyaj'u'unyëtëpës nitu'uk m'a'oy'äämpy ets nitu'uk m'anajny'äämpy.

Apocalipsis 11:16

Ets nyäkyoxtënaaytyakëtë ja i'px taxkpë ja mëjja'aytyëjk mëti'ipë u'unyääytyëpën jam ma kutujktaknën, Dios wyintum ets ja Dios twintsë'ëkëtë,

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.

2 Crónicas 9:19

Ëpëky ojts tkojtë majkmäjtsk yë potsy jëtu'unpë kyëxë'ëkyën kaajën, pa'apa'a t'oytyuuntë ma ja tëtujk niyujkwä'äkpyë ja potsyën. Nimaa ënety jëtu'unpë potsy maa kyayaj'ixynyëm tä tyaapën.