Mateo 19:14 - Biblia Dc en Mixe de Quetzaltepec

¹⁴ Ënet ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kuttujkën jyä'ä'atantëp.

Biblia Mixe de Quetzaltepec

¹⁴ Ënät ja Jesús y'ënëmaayëtë: Ixmatstë yë pi'k ëna'k, wä'änës xynyimintë, këtii xy'ëtuktëty, jä'ä ko yë'ë jëtu'unpë tä pi'k ëna'kën ja tsajpjotmëpë kutujkën jyä'ä'atantëp.

Mateo 19:14 ပူးပေါင်းရင်းမြစ်များ

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Dios tsyokpy ma kyutujktaknën.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

Jueces 13:7

Mëti'ipës tëy të xytyuk'ëwaanën yë'ë ko nmëët'atäämpyëkës tu'uk yë u'unk maay ets ka'apëkës mëpaat n'uuky yë tsatym nyëë ets oy tii nëë mëti'ipë mëkën; ni nkäjë'kxëtyëkës tii mëti'ipë ëxëëkën ëkë ka'apë kyënu'kxëtyën, jä'ä ko ja u'unk mëti'ipës nyajja'täämpyën yë'ë ja Dios nyiwa'anäämpy ets nazareo nëjkx y'ity jëtu'un tyimmëxu'unk'atëty ets jëtu'un nëjkx y'ooky.

1 Samuel 2:18

E ja Samuel oytyuny ijty mëët ja wyit xyox mëti'ipë teetytyëjk yajtuuntëpën ets ja Dios oy tmëtuny.

1 Samuel 1:24

E ko ojts ja tyi'tsk tuk'ëxmajtsnë mutsknëm ënety oy, ënät ojts tmënëjkxnë ma ja Wintsën ja jyëën tyëjkën jam Siló. Ojts näjyëtu'un mëët tmënëjkxy tëkëëk yë tsajpkaa'u'unk, i'px tëkëëk tsim yë tsajpmokway ets tu'kxuty yë tsatsym nyëë.

Génesis 21:4

Ojts natsujk'ëwtijtë ja ye'etyëjk'ajtën kom tuktujk xëëw ma ënety të myinyën naaxwiiny, jëtu'un ijxtëm yë Dios ënety të tni'ënä'ämën.

1 Samuel 1:22

Ja Aná ka'ap ojts nyijkxy, je'eyë ja nyiye'etyëjk t'ënëmaay: Ka'apës nëjkxa'any koonëm ja u'unk maay ja tyi'tsk t'ëxmatsëty. Täänëmës nmënëjkxa'any, etsës ja Wintsën yë'ë ntukë'ëtëkëja'any, jamts wyë'ëmnëty.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Mateo 5:10

Jotkujk yë ja'ay yajpaatë mëti'ipë yaj'ixjëtijtp yajpaajëtijtëpën mëët ko mëtëy tii tnipaye'eytyë, jä'ä ko yë'ë nëjkx tjä'ä'atë tsajpjotmëpë kuttujkën.

Mateo 19:15

Tääts ja pi'k ëna'k ojts tkënu'kxy ets ojts jam tsyoony.

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.