Mateo 18:31 - Biblia Dc en Mixe de Quetzaltepec

³¹ Ko jëtu'un t'ijxtë ja wiinkëtypë ja tuunpëtëjk, ka'ap ojts oy t'ixtë, paaty ojts tninëjkxtë ja yajkutujkpë ets tukmëmëtyaktë wi'ix ënety ja tuunpë ja myëku'uk të tunyën mëti'ipë të yajpokymye'kxyën.

Biblia Mixe de Quetzaltepec

³¹ Ko jëtu'un t'ijxtë ja wiinkëtypë ja tuunpëtëjk, ka'ap ojts oy t'ixtë, paaty ojts tninëjkxtë ja yajkutujkpë ets tukmëmëtyaktë wi'ix ënäty ja tuunpë ja myëku'uk të tunyën mëti'ipë të yajpokymye'kxyën.

Mateo 18:31 ပူးပေါင်းရင်းမြစ်များ

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 14:21

Tääts ja tuunpë wyimpijty ets tuk'ëwa'anëy ja wyintsën wi'ixëty ënety të y'ëtsowtën ja ja'ayëty. Ënet ja wintsën jyoot'anpëjky ets ja tyuunpë ojts t'ëne'emy: Nëjkx në'ëjoty tu'ujoty, m'aye'eytya'ajëp yë kajpn ets xywyoowminëty yë ëyoopëja'ay, yë kë'ëma'atpë tekymya'atpë ets wiintsëtypë.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Salmos 119:158

Nkatimy'ixäämpyës yë ja'ay mëti'ipë jyiiky myëku'uk kyë'ëyajktëpën, mëti'ipë ka'ap tpatuntën ja m'ënä'ämën mtëyajtën.

2 Corintios 11:21

Oyës njatsëtyuntë koos jëtu'un n'ëna'any, ëëtsëty ka'apës ojts jëtu'unpë ja winma'any mpaatë. Je'eyëp ko pën jää ja wiinkëtypë mëti'ipë nätyukmëjja'awëtëpën, tyamës näjyëtu'un n'ëtë'ëtsëty oy wiink jyayaj'ixy.

Mateo 14:9

Ja yajkutujkpë Herodes ko jëtu'un tmëtooy ka'ap ojts jotkujk nyäjyawëty, e komë tëë ënety ja mayjyä'äy tukmëtoy ko yakäämpy tii tyim'amëtoopy ja to'oxy'ëna'k, ënät ni'ënä'ämëy ets ja Juan ja kyëpajk yajmo'ojëty texyjoty.

Mateo 18:28

Ko ja tuunpë tsyo'ony, ënät ojts tpaaty ja myëku'uk mëti'ipë ënety mënu'kxy'ajtëpën mëko'px xëëw nituny, ets tmajtsy ets tyo'kpeeny, tääts t'ënëmaay: Mëkëpäjtkës.

Mateo 18:30

E ja tu'uk ka'ap tkupëjky, pujxn tëkoty ojts ja mëtuunpë tyajpëjktä'äkyë koonëm tkëpätëty ja nyu'kxy.

Mateo 18:32

Tääts ja yajkutujkpë twoowtsooy ja tuunpë ets t'ënëmaay: Ninu'un kya'oyëty yë mjot mwinma'any. Tëë nime'kxy koos të xywyinkoxtänë ets të xy'amëtoy nänyimä'kxë,