Mateo 18:28 - Biblia Dc en Mixe de Quetzaltepec

²⁸ Ko ja tuunpë tsyo'ony, ënät ojts tpaaty ja myëku'uk mëti'ipë ënety mënu'kxy'ajtëpën mëko'px xëëw nituny, ets tmajtsy ets tyo'kpeeny, tääts t'ënëmaay: Mëkëpäjtkës.

Biblia Mixe de Quetzaltepec

²⁸ Ko ja tuunpë tsyo'ony, ënät ojts tpaaty ja myëku'uk mëti'ipë ënäty mënu'kxy'ajtëpën mëko'px xëëw nituny, ets tmajtsy ets tyo'kpeeny, tääts t'ënëmaay: Mëkëpäjtkës.

Mateo 18:28 ပူးပေါင်းရင်းမြစ်များ

Mateo 20:2

Ojts tkäjpxy'atë ko tu'k denario yajmëjuya'antë ja tu'kxëëwpë ets tkejxy ja tuunpë jam kyamjotm.

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Deuteronomio 15:2

Yë'ë yaj'antijp: Pën tëë tu'uk yë ja'ay tii yë jyiiky myëku'uk tuknu'kxtsoy, nyimä'kxëp oy ënety tka'ëkëpäjnë. Oy ënety ja jyiiky myëku'uk ëkë ja myëkunaax myëkukajpn mëj këjää myënu'kxy'ätyë, ka'ap tukëpätëty. Jä'ä ko tääpë jëmëjt jää mëpaat yë ja'ay yë myëku'uk yë nyu'kxy tnimä'kxë, mëët ko ja Wintsën jëtu'un yajmëjjawë.

Isaías 58:3

ets ënät jatëkok kyajpxwinpitë ets y'ëna'antë: ¿Tii ko n'ayuu'ajtmëty pën ka'ap ja Wintsën t'ixy? ¿Tii ko ni'ikyë nnäyaj'ëyo'owëmëty pën ka'ap tii tmëjpëjktä'äky? Ma m'ayuu'atën jää miitsëty mtooktë myaktë ets jää mtuunpë wäänë mëk xyajtuntë.

Nehemías 10:31

E ko pën jyaminëty po'kxënxëëwëtë ajuuy ato'kpë ma ëëts nnaaxëty nkajpnëtyën, nitiijës nkajuyanëtë ets nitii ëëts nkatukmëtooka'antë, oy jyääjëty ma oytiixëëw ntuntësën; näjyëtu'un ko wyëxtujkjëmëjtpätëty ka'ap ëëts nyu'uja'an ntuna'antë ets ja naaxwiinyëtë pyo'kxëty ets nän nimä'kxantëp ëëts ja nyu'kxyëty mëti'ipë ënety të xymyëjuy të xymyënu'kxtësën.

Nehemías 5:7

Koos yajxon tmëmaay nmëtajy, ënätës n'ënany ko janty tëy jëtää jëtu'un, tääjës ojts ntuk'ënëëmë ja yajkutujkpëtëjk ets ja kutuunktëjkëty wi'ix ko jëtu'un ja myëkunaax myëkukajpn timy tyuntë. Ojtsës ëpëky ntuknipëjktaakë tu'uk ja nätyu'ukmukë ets jam yajkajpx yajmëtya'akëty ja jotmay,

Proverbios 28:3

Yë ëxëëk ja'ay mëti'ipë o'ktëy tyuunpyën yë ëyoopëja'ay, jëtu'un nyäxy tä kyomtu'uyën ets tyajma'ta'ay ja pëjktä'äky.

Mateo 18:27

Ja yajkutujkpë pya'ëyoow ets nyimä'kx ja myënu'kxy, jëtu'un ëwaatsëtum ojts wyi'imy ja ja'ay.

Mateo 18:29

Tääts ja mëtuunpë wyinkoxtënaaytyakë ets myënu'kxtakë: Mëmä'kxtujkës. Nkëpätëpës yë'ë.

Marcos 6:37

Ënet ja Jesús y'ëtsooy: Mo'otë miits yë kyääkyëty. Tääts ja y'ijxpëjkpëtëjk y'ënantë: ¿Oyës nëjkx yë tsajpkääky njuytyë mäjtsk mëko'px nixëëwtunyën etsës yë ja'ay nyajkaytyëtyë?

Marcos 14:5

Nikë tëë jeexyë të tyimyajtooky tëkëëk mëko'px xëëw nitunyën ets jeexyë ëyoopëja'aytyëjk yajtukputëkëtë. Ets ojts t'ojtë ja to'oxytyëjk.

Lucas 7:41

Tääts ja Jesús y'ënäny: Nimäjtsk ja ja'ayëty mëti'ipë myënu'kxy'ajtëp tu'uk ja yajmeenynyu'kxpë. Tu'uk tmënu'kxy'äty mëkoxk mëko'px denario ets tu'uk wëxtyikxy majk;

Lucas 10:35

Komjëpom, ko ja samaariëtë ja'ay tsyoonanë ets tju'ty mäjtsk ja denario meeny ets ja kutëjk tmooy ets t'ënëmaay: Kwent'at ya'atë ja'ay, mo'o pën tii y'amëtoopy; pën ka'ap yë meeny myëtä'äky mëti'ipë yam nmoopyën, yajtun mkë'ëm meeny, jääjës nkëpätëty koos nwinpitëty jatëkok.

Juan 6:7

Ënet ja Felipe y'ëtsooy: Nimäjtsk mëko'px denario kyamëta'akëty ets ja tsajpkääky yajtukjuyëty ets yajmo'otëty këëkyiin këëkwään ja ja'ay.