Mateo 18:24 - Biblia Dc en Mixe de Quetzaltepec

²⁴ Tam ënety tmëtyoowtsoony ja meeny ko yajmëja'ajty tu'uk ja ja'ay mëti'ipë kanaak millon ja nyu'kxyën.

Biblia Mixe de Quetzaltepec

²⁴ Tam ënäty tmëtyoowtsoony ja meeny ko yajmëja'ajty tu'uk ja ja'ay mëti'ipë kanaak millon ja nyu'kxyën.

Mateo 18:24 ပူးပေါင်းရင်းမြစ်များ

Salmos 38:4

Kë'ëmës winë ëxëëk n'ëktuny ets kë'ëmës ka'ap n'ëkmëmëta'akanë;

Lucas 16:5

Ënet nitu'ukjaty twoowtsooy ja ja'ay mëti'ipë ja wyintsën myënu'kxy'ajtëpën. Tääts t'ënëmaay ja mëwyiinpë ojts myinyën: ¿Jënu'un yë nwintsënës xymyënu'kxy'äty?

Lucas 13:4

Ets ja ja'ayëty mëti'ipë o'ktën nimajkmokxtëkëëk ma ja Siloé potsy nyijijtpäjtëtën, ¿wä'än jëtää ni'ik pyokyjyä'äy'atë ets ka'ap jyëtu'unëty mëti'ipë tsënaaytyë Jerusalénkë?

Salmos 40:12

Kanaak yë ëyo'on jotmay të nmënaxy të nyajnaxyës ka'apë nyimëtyaknëtyën. Nkë'ëmpokyës të nätyuktunyë ëxëëk; yë'ëpaat yë n'ijxënës të myoonë. Tääjës yë nkuwaayën jëtu'unës yë npoky myäyëty, ka'apës yë njot nwinma'any y'ëk'ënanë tii ntunëtyës.

Esdras 9:6

ets n'ënëmaayës: Wintsën, Wintsën, tsëtyuumpës koos nkatukjaty wi'ix nmëëtkajpxy nmëmëtya'akëty. Mëjwiin këjää ëëts të mpokytyuntë.

Lucas 16:7

Ënet ja wiinkpë tyajtëëy: ¿E mijts, jënu'un xymyënu'kxy'äty? Tääts y'ëtsooy: Mëko'px xa'k ja tsajpmokway. Tääts t'ënëmaay: Tyaa ja nyinoky mëti'ipë mjaayën, pe'tym jaaytyëkats, majkta'px xa'k je'eyë pëjkta'ak.

1 Crónicas 29:7

jä'ä y'akoonmujkëtyëp ma ja Wintsën ja jyëën tyëjk ënety kyoja'anyën ets nyipejty mëko'px ja tëkë'px mëkoxk mil tsim, ëpëky ja majk mil ja meenywyä'kxy aakyë'ë pu'ts pujxn; ojts näjyëtu'un myuk tëkëëk mëko'px ja i'px majk mil tsim yë poop pujxn ets jawäänë kyatëtujk mëko'px mil tsimëty yë tsuxkpujxn ets tëkëëk mil ja tëkëëk mëko'px yë juunpujxn.

Mateo 18:23

Paatyës jëtu'un n'ëna'any: Yë tsajpjotmëpë kuttujkën jëtu'un yë'ë ijxtëm tu'uk ja yajkutujkpë tmëtyoyën ja meeny mëët ja tyuunpëtëjk mëti'ipë të tyajtunyën.

Mateo 18:25

Ja ja'ay ka'ap ënety tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

Mateo 25:15

Tu'uk tmooy mëkoxk mil ja meeny mëti'ipë ni'ik tsoowpatpën, tu'uk tmooy mäjtsk mil ets tu'uk tmooy tu'uk mil. Jëtu'un tmooy wi'ixëty ja tuunpë kyuwijy'atën. Ënet ojts nyijkxy jëkäm.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.

Mateo 25:20

Ënet ja mëjëyëjpë myiiny mëti'ipë ënety ja meeny të t'ëxajën mëkoxk mil ets tjaakniyajkëy nän ja mëkoxk mil ja y'u'unk ets y'ënäny: Wintsën, mëkoxk mil ojts mijts xymyo'oyës ja meeny, e tëëjës njaakyaj'u'unk'aty nän ja mëkoxk mil, tyaa ëxajë.

Mateo 25:22

Ënet näjyëtu'un myiiny ja mëti'ipë ënety ja meeny të t'ëxajën mäjtsk mil ets y'ënäny: Wintsën, mäjtsk mil ja meeny ojts xymyo'oyës, e tëëjës nän ja mäjtsk mil njaakyaj'u'unk'aty, tyaa, ëxajë.

Mateo 25:24

E kom ok myiiny ja tuunpë mëti'ipë ja meeny y'ëxajëyën tu'uk mil ets ja wyintsën t'ënëmaay: Wintsën, nija'apës ko mijts m'ëwa'anëty ets nija'apës ko jam ja pëjktä'äky xyajpëtë'ëky ma ka'ap mni'ipy mkojyën ets myajpëtë'kpy ja pëjktä'äky ma ka'ap të mtëëmwëjyën.

Génesis 44:10

Ënet ja José ja pyutu'unëpë y'ëtsooy: Oy jyëtu'un'atëty, jatëp këpätëpën ënät jëtu'un tä yam m'ëna'antën. E yi'iyë jëtu'un nëjkxëp mëtuunpë ëyoopë, mëti'ipë ja a'ukën myëët'ajtypyën ma xya'k'aawën, nitu'kë'ëyë ëwaatsëtum mwë'ëma'antë.