Mateo 18:17 - Biblia Dc en Mixe de Quetzaltepec

¹⁷ Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Biblia Mixe de Quetzaltepec

¹⁷ Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Mateo 18:17 ပူးပေါင်းရင်းမြစ်များ

Esdras 6:21

Ni'ëmukë ja Israel ja'ayëty mëti'ipë ënety të y'itën ëxwopy ixkexy ojts tkaaytya'atë ja kääky uuky mëti'ipë ënety të yajtuknikojën yë ëmaayxyëëw ets may myiintë ja'ayëty mëti'ipë ënety ka'ap të nyätyukpaatëtën ja ëxëëktu'un, ëxëëkajpxën, ka'apë të yajtukwin'ëëntën ja wit meeny; ojts myiinta'atë, tukxoontaktë ja Wintsën, mëti'ipë y'ëwtajtëpën ja Israel ja'ayëty.

Ezequiel 11:12

ets nëjkx xynyijawëtë ko ëjts Wintsën. Miitsëty ka'ap jëtu'un të mjuuky'atë tääjës të ni'ënä'ämën ets ka'ap të xypyatuntë yë ntëyajtënës, miitsëty jëtu'un winë të xytyuntë tä ja'ayëtyën mëti'ipë wiink naax wiink kajpnëtyën.

Mateo 10:3

Felipe, Bartolomé, Tomás, Mateo yajkukëpäjtpë, Santiago, mëti'ipë Alfeo y'u'unk'ajtypyën ets ja Tadeo,

Mateo 11:19

Ets ënät ja naaxwiinyëtë ja'ay y'U'unk të jyamiinpë, mëti'ipë kääpy ukpën ijxtëm ja ja'ay kaxpën, miitsëty jä'ä m'ëna'antë koos nkäxëty koos n'ajëënëty ets ko yë'ëjës mëët oy nämyäyë ëxëëkja'aytyëjk ets yajkukëpäjtpëtëjk mëti'ipë Roma myëtuuntëpën. Temë jää nyikëxë'ëky ja Dios ja wyijy'ajtën kyejyajtën ma winë yajtunyën.

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Mateo 6:7

Ko ja Dios xymyëkajpxtëty ka'ap tii xykyajpxwinpit xykyajpx'ëtëjtëty, ijxtëm ja ja'ay y'ëtë'ëtstën ka'apë ja Dios tnijawëtën, mëti'ipë winmaaytyëpën ko pën jeky ja Dios tmëkajpxtë ni'ik ja Dios myëtowa'anëtë.

Lucas 15:1

Ni'ëmukë ja yajkukëpäjtpëtëjkëty ets ja pokyjä'äytyëjkëty nimiintë ja Jesús ets tmëtoow'ita'antë mëti'ipë nyimëtyäkpyën.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

1 Corintios 5:9

Ko ojts miits ja noky ntuknikäxtë, jëtu'un ojts nëëmëtë ko ka'ap mnämyäyëttëty mëët ja mëti'ipë jyot nyini'kx tyo'ktëpën.

1 Corintios 6:1

Ko miits jënaakën tiitsip xymyëët'atëty mëët ja mmëku'ukëty, ¿tii ko mnëjkxtëty jam ë'ënpë ma ja yajkutujkpën ka'apë myëpëktën, jëtu'un ijxtëm jeexyë jam m'ëëntën ma ja mëti'ipë mëpëjktëpën?

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

Josue 22:15

Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë: