Mateo 18:16 - Biblia Dc en Mixe de Quetzaltepec

¹⁶ Pën kajts tmëjpëjktä'äky wi'ix ënety xyjya'ënëëmën wow tu'uk mäjtsk ja ja'ay ets t'ixtëty nijawëtëty wi'ix ënety xim yam ja mpoky mnätyukwinmëtowëtën.

Biblia Mixe de Quetzaltepec

¹⁶ Pën kajts tmëjpëjktä'äky wi'ix ënäty xyjya'ënëëmën wow tu'uk mäjtsk ja ja'ay ets t'ixtëty nijawëtëty wi'ix ënäty xim yam ja mpoky mnätyukwinmëtowëtën.

Mateo 18:16 ပူးပေါင်းရင်းမြစ်များ

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

Juan 8:17

Jëtu'un jap y'ënä'äny ma miits ja m'ënä'ämënëty; ko nimäjtsk ja ja'ay tii nikajpxtë mëti'ipë nyija'awëtëpën tuunp jä'ä ets tsoowpatp.

2 Corintios 13:1

Mëtëkëëk'ok tyam miits nëjkx nku'ixëja'antë. Jää nëjkx winë tyiytyëkë mëët nimäjtsk nitëkëëkën mëti'ipë y'ixtëp nyijawëtëpën winë.

Deuteronomio 17:6

Ko yë kutuunk tni'ënä'ämëty ets tu'uk yë ja'ay y'ookëty. Ënet y'ookëty pën jam'ajtp nimäjtsk nitëkëëk yë ja'ay mëti'ipë ja myëku'uk të t'ixyën tyuuntëkoy. E pën tu'uk je'eyë ja ja'ay mëti'ipë ja myëku'uk nyikäjpxypën, ka'ap tjëkyepy yë kutuunk pën tëytyunëty ëkë tni'ënä'ämëty ets y'ookëty.

Deuteronomio 19:15

Ko je'eyë ja ja'ay tu'uk y'itëty mëti'ipë ja nëë poky nyikajpxëpën, ijxtëm ko ënety muum ja ja'ay ja myëku'uk të tyaj'ooky, ma të tyuuntëkoy të kyajpxtëkoyën, ëkë ma tii poky të tunyën. Ënet mëpaat yajmëpëky ja nëë poky, pën nimäjtsk nitëkëëk y'ity ja mëti'ipë poky nyikajpxtëpën.

1 Timoteo 5:19

Ka'ap xymyëjpëjkta'akëty ko yajkni'ëënëty tu'uk yë mëjja'ay, pën ka'ap nimäjtsk ëkë nitëkëëk ja'ay tnikajpxë.

Hebreos 10:28

Ko ijty pën tkapatuny ja Moisés ja y'ënä'ämën, o'kp ijty, jä'ä ko tam ja mëti'ipë ni'ë'ënëpën nimäjtsk nitëkëëk, paaty ka'ap yajpa'ëyoy,

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.