Mateo 18:14 - Biblia Dc en Mixe de Quetzaltepec

¹⁴ Näyjyëtu'un ja Dios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Biblia Mixe de Quetzaltepec

¹⁴ Näyjyëtu'un ja Tios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Mateo 18:14 ပူးပေါင်းရင်းမြစ်များ

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënety jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Juan 21:15

Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Hebreos 12:13

ixta'atë ja tëytyu'u ets tsyo'okëty ja teky mëti'ipë ma'atën ets ka'ap ni'ikyë nyäwëty.

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Mateo 6:32

Pën ja Dios ka'ap nijawëtë, yë'ë jëtu'unpë myëmaay myëtajtëp; miitsëty mëët'ajtëp ja mTeetyëty tsajpjotm mëti'ipë nyija'apën tii myajmëyajtëp.

Mateo 6:9

Jëtu'un ja Dios xymyëkajpxtëty: Tatë Dios tsajpjotmëpë m'ityën, wintsë'ëkë ja mxëëw y'itëty.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.

Mateo 18:13

Tëy n'ënëëmëtë ko tpaatëty ja mëti'ipë tëkoy'ijtpën, wäänëni'ik tukxoonta'aka'any këtiinëm ja majkta'px majkmokx majktaxkpë mëti'ipë ka'ap ye'eytyëkoytyën.

Mateo 18:15

Pën tëë mmëtëkoyë ja mmëku'uk, mëmëtya'ak ets tuk'ënëëmë wi'ix të mmëtëkoyën. Ko tja'akyukëty wi'ix xy'ënëëmën, tëë ënety jatëkok xymyëku'ukpëky.