Mateo 18:12 - Biblia Dc en Mixe de Quetzaltepec

¹² ¿Wi'ix miits m'ëna'antë? Pën tu'uk ja'ay nimëko'px yë kyupixyny ets tu'uk tyëko'oyxyëtëty ¿këtii t'ëxmatsëty ja nimajkta'px majkmokx majktaxkpë jam kopkëjxm ets nëjkx t'ixta'ay mëti'ipë të tyëkoyënë?

Biblia Mixe de Quetzaltepec

¹² ¿Wi'ix miits m'ëna'antë? Pën tu'uk ja'ay nimëko'px yë kyupixyny ets tu'uk tyëko'oyxyëtëty ¿këtii t'ëxmatsëty ja nimajkta'px majkmokx majktaxkpë jam kopkëjxm ets nëjkx t'ixta'ay mëti'ipë të tyëkoyënë?

Mateo 18:12 ပူးပေါင်းရင်းမြစ်များ

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.

Ezequiel 34:16

Nëjkxëpës n'ixta'ay ja kupixyny tëëpë tyëkoyën, mpatäämpyës ja mëti'ipë tëkoy'ijtpën, mpitäämpy nmotsäämpyës mëti'ipë tsëtyutën, mputëkëjäämpyës mëti'ipë ëmaay paki'ixën ets nkëwent'atäämpyës mëti'ipë mëkën ets ni'kxën. Jëtu'unës nkëwent'ata'any ijxtëm pyaat'atyën.

Ezequiel 34:28

Ka'ap nëjkx wiinkëtypë naax kajpn y'ëk'ënä'ämënëtë ets ka'ap nëjkx yë jëyujk y'ëktsu'tsënëtë. Jotkujk jyuuky'atëty ets ka'ap pën y'ëtsë'ëkëtëty.

Ezequiel 34:6

Jëtu'unyë jam aayjyotm ujtsjotm ets jam kopkëjxm të ye'eywya'kxta'atë, xiitsow yaatsow të kyuye'eyëtya'atë ets ka'ap pën të myëmay të myëtajëtë ets të y'ixta'ajëtë.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

1 Pedro 2:25

Jëtu'un miits të m'itë ijxtëm ja kupixyny tyëkoy'ityën, je'eyëp ko tëë jatëkok xynyiwinpitë ja Kristë, ets yë'ë mkëwent'atëtëty ijxtëm ja kupixyny këwent'ajtpën.

Mateo 12:11

Tääts ja Jesús y'ëtsooy: ¿M'ëxmatstëp jëtää miits ja mkupixynyë ko ënety të kyënaxy jutjoty po'kxënxëëwjotyë? ¿ka'ap jëtää xynyinëjkxtëty ets xyjyuutëtyë?

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Salmos 119:176

Jëtu'unës nnäjyawëty të nye'eytyëkoy tä yë kupixyny u'unk muum ye'eytyëkoyën; nimiinkës etsës xy'ixta'ajëty, ëjts ka'apës tu'ukyë ntimjyä'ätyëkoy ja m'ënä'ämën mtëyajtën.

Mateo 21:28

Tääts ja Jesús yajtëëwëtë: ¿Wi'ix miits ya'atë xyjyä'äkyukëtë? Tu'uk ja ja'ay, nimäjtsk ja myaank. Tu'uk ojts t'ënëëmë: U'unk, nëjkx jam mtuny kamjotm, ma tsatym kyamën.

1 Corintios 10:15

Jëtu'un yam miits nmëkajpxtë ijxtëm ja ja'ayëtyën mëti'ipë ja'akyujkëpën: kë'ëm mëmay mëtajtë mëti'ipë yam ntuknëmaaytyëpën.

Mateo 22:42

ko ja Jesús yajtëëwëtë: ¿Wi'ix miits xymyëmay xymyëtajtë ja Kristë. ¿Pën jëtää yë Kristë u'unk'ajt ok'atëp? Tääts y'ëtsoowtë: David yë y'u'unk y'ok.

1 Reyes 21:17

Ënet ja Wintsën ojts tmëkäjpxy ja Elías, jampë kyukajpnëtyën Tisbé ets t'ënëmaay:

Ezequiel 34:4

Miitsëty ka'ap xypyutëkëtë kupixyny paki'ixëtypë, ka'ap xytsyooyëtë mëti'ipë pëjkëp ijxëpën, ka'ap xypyijtëtë xymyojtsëtë yë tyeky mëti'ipë tekytyëjën, ka'ap xy'ixta'atë mëti'ipë ye'eytyëkooytyëpën, mëti'ipë jyayajmëyäjtypyën ja näypyutëkë ni'ikyë ëxëëk xytyuntë.

Mateo 18:13

Tëy n'ënëëmëtë ko tpaatëty ja mëti'ipë tëkoy'ijtpën, wäänëni'ik tukxoonta'aka'any këtiinëm ja majkta'px majkmokx majktaxkpë mëti'ipë ka'ap ye'eytyëkoytyën.