Mateo 18:10 - Biblia Dc en Mixe de Quetzaltepec

¹⁰ Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Biblia Mixe de Quetzaltepec

¹⁰ Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Tios wintum.

Mateo 18:10 ပူးပေါင်းရင်းမြစ်များ

Salmos 91:11

Yë Wintsën yë'ë kyäxäämpy yë kyukäjpxy, ets mkëwent'atëtëty oy maa mnëjkxëty.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Salmos 34:7

Yë Wintsën kyukäjpxy kyuwäämpy ets yajtsokpy mëti'ipë oyjya'awëyëpën.

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Mateo 18:14

Näyjyëtu'un ja Dios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Mateo 18:6

Pën nitu'uk ya'atë pi'k ëna'k yajpokytyuunpy mëti'ipës xymyëpëjkpën, nikë oy jeexyë ja paantaak yajtukyo'ktsumy ets kyinëty këkmejyjoty.

Mateo 2:19

Ko ja Herodes y'o'ky, ënät ja José ojts t'ijxkojnëpë kuma'ayjoty ja Wintsën ja y'anklës jam Egiptë, ets y'ënëmaayë:

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Corintios 11:22

¿Këtii jëtää miits jam mjëën mtëjkëty ets jam mkaytyëty m'uuktëtyë? ¿Këtii jëtää miits xyajtsëtyuntë ja Dios ja myëpëjkpë mëti'ipë ka'ap tii tmëët'atë? ¿Wi'ixës n'ëna'anëty? Ka'ap tjëkyepy miits ntukxoonta'aktëty ko jëtu'un m'ëtë'ëtstë.

1 Corintios 16:11

Jëtu'unts ka'ap pën xypyäxtëty. Putëkëtë miits wäänëni'ik etsës yam xynyiminëty mëët ja myëku'uktëjk, maas yam njëjp'ixtën.

Romanos 14:10

¿E tii ko mijts ja mmëku'uk xynyi'ojë? ¿Ëkë tii ko xywiink'ixy? Ni'ëmukë ëëts nëjkx nwa'këxë'këmë Dios wyintum ets yë'ë nëjkx xypyaye'eyëmë.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Hechos 12:15

Tääts ja mëpëjkpëtëjk y'ëtsoowë: Mlokëjajtpmës jää. Ko ja to'oxy'ëna'k jyaak'ënany ko tyiyëty, ënät y'ënantë: Yë'ë jëtää ja Pedro y'anklës.

Hechos 10:3

Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Salmos 17:15

E ëjts, yë'ëjës xykyu'uxaanp, ko mijts n'ixëty wiinxë jëjpxë, koos jam näy'ixëtëty ma mijtsën koos ënety nma'awyijy.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

1 Corintios 9:22

Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

Romanos 15:1

Ëëts'ajtëm, mëti'ipë mëk yajpatëpën ma mëpëjkënën, mëpaat mputëjkëmë mëti'ipë ka'ap oy myëpëktënëm, ets ka'ap yi'iyë n'ixtä'ämyëty mëti'ipë ntukjotkëtakmëpën.

Romanos 14:21

Nikë oy ko tsu'utsy nkatsu'tsmëty, ni ja tsatsym nyëë nka'ukmëty, ëkë oytyiijëty ka'ap mëpaat yë'ë ntu'unëm mëti'ipë ja nmëku'uk'ajtëm yajpokykya'ajëtëpën.

Apocalipsis 8:2

Etsës n'ijxy niwëxtujk ja tsajpjotmëtë kukäjpxy jam tyänëtë Dios wintum, mëti'ipë yajmooytyën këëktu'uk ja xuxn.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 10:1

Ëjts, Pablo, n'amëtoy npëjktsoyës ja mëyajtën ma miitsëtyën, mëët ja Kristë yujy'ajt nyäxym'ajtën; oy pën y'ëna'anëty ko amonyës n'ity koos jam nyajpaaty ma miitsëtyën, ko ku'aawës näpyëjktä'äkyë koos jëkäm nyajpaaty.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Mateo 12:20

Jëtu'un yë'ë ijxtëm tu'uk ja ja'ayën mëti'ipë ka'ap tëjyën ja tsajpkäpyny mëti'ipë tëjjanëpën, ets ijxtëm tu'uk ja ja'ayën mëti'ipë kyayajpi'tsypyën ja jëën mëti'ipë pi'itsanëpën, koonëm tyajmëta'akëty ja oypyë ja nipaye'eyën,

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Zacarías 4:10

Ja ja'ayëty mëti'ipë ka'ap të tmëjpëjkta'aktën ko wäänaty ja tuunk të tyu'uye'ey, nëjkxëp ok tukxoonta'aktë ko ënety ja Zorobabel tyajjëjpëtsëmy ja tuunk. Ënet ja tsajpjotmëtë kukäjpxy xyjyaak ënëmaayës: Ya'atë wëxtujkpë kutë'kxn yë'ë Wintsën yë wyiin jyëjp mëti'ipë tyukjëtijtëtyëpën yë naaxwiinyëtë.

Ester 1:14

Ja ja'ayëty mëti'ipë ënety tu'ukyë mëët nyäyaj'itëtën ja yajkutujkpë, ja Carsená, Setar, Admata, Tarsis, Merés, Marsená ets Memucán, niwëxtujk y'ijtë, aak mëj'äämpy ënety yajjëkyäptë jam Media ets Persië. Ya'atë ja'ayëty mëët tu'ukyë tyuntë ja yajkutujkpë jam ma ja nyaax kyajpnëtyën.

2 Samuel 14:28

Mäjtsk jëmëjt ojts yë Absalón jam y'ity Jerusalén ets ka'ap ja tyeety yajkutujkpë t'ijxy

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.