Mateo 17:5 - Biblia Dc en Mixe de Quetzaltepec

⁵ Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Biblia Mixe de Quetzaltepec

⁵ Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 17:5 ပူးပေါင်းရင်းမြစ်များ

Job 38:1

Ënet ja Dios t'ëtsoowinpijty ja Job mëët ja mëktuupoj.

Salmos 81:7

Jam mijts të xymyëkäjpxyës ma ënety ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Éxodo 19:19

E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënety jyänty myëktä'äky; ënät ja Moisés ojts tyëkë mëtyakpë mëët ja Dios, ja Dios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 42:21

Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Mateo 17:6

Ko ja Jesús ja y'ijxpëjkpëtëjk tmëtoowtë, ënät nyäkyoxtënaaytyakëtë naaxkëjxy mëët ja mëktsë'ëkë.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Marcos 1:11

ets yajmëtooy tu'uk ja ayuk jam tsajpjotm y'ënä'äny: Mijts n'u'unk'ajtyp, mëti'ipës ntsojkpyën, tëëpës.

Marcos 9:7

Ënet ja yoots ojts myiny ma ënety jamëtyën ets ojts ja yoots yajnitëkoyëtë; jap yootsjoty yajmëtooy tu'uk ja ayuk mëti'ipën ënanën: Ëjts ya'atë n'u'unk, mëti'ipës ntsojkpy nja'apën, mëtoow'itë ets mëmëtowtë wi'ix y'ënä'änyën.

Lucas 3:22

ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Juan 3:35

Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

Juan 5:37

E tëë näjyëtu'un ja Dios Teety, mëti'ipës të xykexyën nikäjpxy ja tëyajtën ëjtskyëjxm. Oy miits nijëna'a të xykyamëtowtë ets të xykya'ixtë,

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Deuteronomio 18:15

Yë mWintsën Tiosëty yë'ë yaj'itäämpy ma miitsëtyën tu'uk yë käjpxynyajxpë tä ëjtsën ets yë'ë mmëmëtowtëp.

Deuteronomio 18:19

Ja ja'ay mëti'ipë ka'ap tmëpëkyën ets ka'ap tmëmëtoyën tääpë käjpxynyajxpë, mëti'ipë ënety të tnikäjpxyën ëjts yë n'aaw n'ayukës, nëjkxëpës ja n'amëtoy tiikyëjxm ko jëtu'un y'ëti'itsy.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 14:14

Ënätës n'ijxy tu'uk jam y'u'unyë poop yootsjotm, jëtu'un kyëxë'ëky ijxtëm ja ja'ayën, pu'ts pujxn kyujän'ajtyp ets tsujkn tu'uk kyoon'ijtyp.