Mateo 17:27 - Biblia Dc en Mixe de Quetzaltepec

²⁷ Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Biblia Mixe de Quetzaltepec

²⁷ Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Mateo 17:27 ပူးပေါင်းရင်းမြစ်များ

2 Corintios 6:3

Ka'apës pën tëkatsy të najtstunëtë, këtiipë ja ntuunkëtyës nyipäxëtëkëty.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

1 Corintios 8:9

Miits ko tii xyjyë'kxtëty mnäkyëwent'atëtëp këtiipë wiink t'ixtëty ja mmëku'uk mëti'ipë ka'ap oy myëpëktën.

1 Corintios 8:13

Paaty, pën ëjts yë nmëku'ukës nyajpokytyuunpy mëët koos tii ntsu'utsy, nikë oy koos nijëna'a nkatsu'utsëty ja tsu'utsy këtiipë ja nmëku'ukës nyajpokykya'ajëtyës.

Jonás 1:17

E yë Wintsën tëë ënety jap nëëjoty tnipëjktaakë tu'uk mëjnëë jëyujk ets ja Jonás jyëënëtëty. E ja Jonás tëkëëk xëëw tëkëëk tsu'um jap y'ijty nëë jëyujk jootjoty.

Salmos 8:8

Ma joonën mëti'ipë kääkjëtijtëpën tsajpwinm, ma nëë jëyujkën nëëjotypë tsyëënëtën, ets tëkokyë winë jënu'un jap nëëjoty yajpaatyën.

1 Reyes 17:4

Ma tääpë itën, jyëkyejpy jam mnëë uukëty ets tyamës n'ënëëmëja'any ets jooky yë'ë mkääky m'uuky tmëminëty.

Romanos 14:21

Nikë oy ko tsu'utsy nkatsu'tsmëty, ni ja tsatsym nyëë nka'ukmëty, ëkë oytyiijëty ka'ap mëpaat yë'ë ntu'unëm mëti'ipë ja nmëku'uk'ajtëm yajpokykya'ajëtëpën.

Jonás 2:10

Ënet ja Wintsën ojts ja nëë jëyujk tyajnëjkxy jam nëëpë'am ets ja Jonás yaj'ix'ë'tsy.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Génesis 1:28

Tääts tmooy yë kyënu'kxën ets t'ënëmaay: Mëët'atë ënät yë m'u'unk m'ëna'këty, yajwintuktë yë naaxwiinyëtë ets xy'ënä'ämtëty. Mijts m'ënä'ämta'atëp yë nëë jëyujk ets yë joon jëyujk ets tu'kë'ëyë jëyujk mëti'ipë myox tyukye'epyën.

1 Tesalonicenses 5:22

Ixmatstë mëti'ipë ka'ap y'oyëtyën.

Juan 6:61

Ja Jesús ojts nijawë ko jëtu'un myäytyë tyajtë, paaty tyajtëëy: ¿Ya'atë miits mka'oyjya'awëtëpë?

Mateo 5:29

Pën myajpokytyuunëp ja m'aka'anywyiin, juut ets xy'ixka'atsëty. Ni'ikyë oy tu'kpëky mtëkoy'ajtxëtëty mëti'ipë jamën ma mni'kx mkopkën ets këtii ko tu'kë'ëyë mni'kx mkopk yajpëjkta'akëty ëyoowtaknjoty.

Mateo 5:30

Ets näjyëtu'un, pën myajpokytyuunëp ja m'aka'anykyë'ë, katspux ets xy'ixjëpipëty tu'uk. Nikë oy ko tu'kpëky mtëkoy'ajtxëtëty mëti'ipë jamën ma mni'kx mkopk ets këtii ko yajpëjktakta'ajëty ëyoowtaknjoty.

Mateo 17:26

Tääts ja Pedro y'ëtsooy: Jaaypyaat jaaypyo'kxy. Tääts ja Jesús y'ënäny: Paaty n'ënëëmëtë, ko yë ja'ay mëti'ipë kunaax'ajtp kukajpn'ajtpën ka'ap kyopkpëkyëty kyëpätëty.

Mateo 18:6

Pën nitu'uk ya'atë pi'k ëna'k yajpokytyuunpy mëti'ipës xymyëpëjkpën, nikë oy jeexyë ja paantaak yajtukyo'ktsumy ets kyinëty këkmejyjoty.

Mateo 18:8

Paaty n'ënëëmë, pën myajpokytyuunëp yë mkë'ë ëkë yë mteky, katspux ets jëkäm pëjkta'ak; nikë oy ko mtëkëty kë'ëtu'uk ëkë tekytyu'uk ma ja Dios ja kyutujktaknën ets këtii ko myajpëjkta'akëty ëyoowtakntujp xëmëkyëjxm mëët ja mkë'ë ëkë ja mteky mäjtsk.

Marcos 9:42

Pën yajpokytyuunpy yë u'unk ëna'k mutskjatypë mëti'ipës xymyëpëjktëpën, nikë oy ko jeexyë ja paantaak yajtukyo'ktsumë ets mejyjoty yajkujëpipëty.

Marcos 9:43

Pën myajpokytyuunëp yë mkë'ë, katspux. Nikë oy ko kë'ëtuk xypyaatëty ja xëmëkyëjxmëpë ja juukyajtën ets këtii ko mkë'ë mëët kä'pxy myajpëjkta'akëty ëyoowtaknjoty, ma ja tënë'k nijëna'a kya'ookyën ets ja jëën nijëna'a kyapi'itsyën.

Lucas 17:2

Nikë oy ko jeexyë tu'uk ja paantaak yajtukyo'ktsumë ets yajkujëpijpnaxy mejyjoty, këtiipë tyajtuuntëkoyëty tu'uk ja pi'k ëna'k, tyaapë yajpaatën