Mateo 17:24 - Biblia Dc en Mixe de Quetzaltepec

²⁴ Ko ja Jesús ets ja y'ijxpëjkpëtëjk jyajtë jam Capernaúm. Ja ja'ayëty mëti'ipë yajkukëpäjtëpën ma ja tsajptëjk yaj'ajuuytyukyën ojts ninëjkxtë ja Pedro ets tyajtëëwtë: Yë mwintsën ¿Këtii yë tsajptëjk yë y'ajuuytyuk tyajkë?

Biblia Mixe de Quetzaltepec

²⁴ Ko ja Jesús ets ja y'ijxpëjkpëtëjk jyajtë jam Capernaúm. Ja ja'ayëty mëti'ipë yajkukëpäjtëpën ma ja tsajptëjk yaj'ajuuytyukyën ojts ninëjkxtë ja Pedro ets tyajtëëwtë: Yë mwintsën ¿Këtii yë tsajptëjk yë y'ajuuytyuk tyajkë?

Mateo 17:24 ပူးပေါင်းရင်းမြစ်များ

Éxodo 38:26

Ja ja'ayëty mëti'ipë ja xyëëw yajkëxjaaytyën ma ja jaaymyujkën y'ijtyën, aakyë'ë mëti'ipë ënety tëë ja jyëmëjt t'apetyën I'px tu'uk ets jä'ä nyiwinë'ajtë tëtujk mëko'px ja tëkëëk mil ja mëkoxk mëko'px ja wëxtyikxy majk, nitu'ukjaty ojts tyaktë ja poop pujxn këëk mëkoxk ja kujkm nikonë, yë'ë tuun ja kijpxën mëti'ipë jap tsajptëkoty tuunpën.

Éxodo 30:13

Tëkokyë mëti'ipë yajkëxjaaytyën ma ja jaaymyujkën y'ijtyën, ya'atë nëjkx tyaktë ma ja Tiosën: mëkoxk nikonë yë poop pujxn, ya'atë kijpxën yë'ë mëti'ipë jap ijtpën ma tsajptëjkën.

Marcos 9:33

Tääts ja Jesús mëët ja y'ijxpëjkpëtëjk jyajtë jam Capernaúm. Ko tyëjkëtyë tëkoty, japts ja Jesús tyajtëëy ja y'ijxpëjkpëtëjk: ¿Tii të xynyimëtya'aktë ko të ntu'uye'eyëmë?

Nehemías 10:32

Ojts näjyëtu'un nkäjpxy'atës ets yajyakëty winjëmëjt taxk wiin yë poop pujxn mëti'ipë jap tunëpën ma tsajptëjkën ma nTios'ajtëmë jyëën tyëjkën,

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.