Mateo 17:21 - Biblia Dc en Mixe de Quetzaltepec

²¹ Yë ku'oypyë jëwa'kp näjyëtu'un ko ja'ay Dios tja'amyetsy ets ko ja'ay y'ayuu'aty.

Biblia Mixe de Quetzaltepec

²¹ Yë ku'oypyë jëwa'kp näjyëtu'un ko ja'ay Tios tja'amyetsy ets ko ja'ay y'ayuu'aty.

Mateo 17:21 ပူးပေါင်းရင်းမြစ်များ

1 Reyes 17:20

Tääts tyëjkëy jëëytyak nu'kxtakpë, mëk jyänty kyäjpxy, tmënpëjktsoy ja Wintsën ëmuumtu'ukjot: Wintsën, mëti'ipës n'ëwtajtypyën. ¿Ka'ap yowë tyim oy'ajnë ets mijts ya'atë to'oxytyëjk o'ktëy xytyimtunëty, maas nja'ajtä'äkyën, ko xyaj'ookanë ja y'u'unk?

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Mateo 12:45

Ënet tsyoony ets nëjkx tjaakwoy niwëxtujk ja myëku'oypyë ets jap tyëkëtë ma ja ja'ayën tsënääpyë; ja ja'ay ni'ik o'ktëy y'awinpity këtiinëm ënety jëtu'un të y'ity. Näyjyëtu'un jyata'antë ja ëxëëkja'aytyëjkëty mëti'ipë tyam juuky'ajtëpën.

Mateo 17:22

Tam ënety të ye'eymyuktë ja Jesús mëët ja y'ijxpëjkpëtëjk Galilea y'itjotm, ko ja Jesús y'ënëmaayëtë: Yajkë'ëyakaanp yë naaxwiinyëtë ja'ay yë y'U'unk ma mayjyä'äyën,

Marcos 9:29

Tääts ja Jesús y'ënäny: Ya'atë jëtu'unpë ku'oypyë ënät yë pyëtsimy ko Dios yajpëjktsoy mëk'ajtën.

Hechos 13:2

Tëkok, ja Wintsën ënety jam wyintsë'këtëp ets ayuu'ajtëp ënety jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.