Mateo 17:20 - Biblia Dc en Mixe de Quetzaltepec

²⁰ Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Biblia Mixe de Quetzaltepec

²⁰ Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Mateo 17:20 ပူးပေါင်းရင်းမြစ်များ

Lucas 17:6

Tääts ja Wintsën y'ëtsooy: Ko jeexyë miits yë mëpëjkën xy'ëkmëët'atë ijxtëm yë mostazëpajkën, jyëkyejpy jeexyë xy'ënëëmëtë ya'atë kepy: Pëtë'ëk yaa mëët yë mtikts ets mwa'ak'oyëty mejyoty, ets mmëmëtoowëtëp jeexyë.

Marcos 11:23

Tëy miits n'ënëëmëtë, pën nyëmääpy ya'atë kopk: kä'äk jää, tëkë mejyjoty ets ëmuumtu'ukjot jëtu'un t'ënëëmë ets ni'ikyë y'ënä'äny ko jëtu'un tyuna'any jyata'anyë, janty tun janty jatëtëp jëtu'un.

Lucas 18:27

Ënet ja Jesús y'ënëmaayëtë: Mëti'ipë ka'ap ja ja'ay myäyën, yë Dios maayëp yë'ë.

Lucas 1:37

Dios, ka'ap tii tyajtsiptä'äky.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Marcos 9:23

Tääts ja Jesús y'ënäny: ¿Tii ko jëtu'un m'ëna'any pën mëpaat xyajtso'oky? Aak oy yë ja'ay pyëtsë'ëmxëtë winë mëti'ipë Dios mëpëjktëpën.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Mateo 13:31

Ojts näjyëtu'un yë Jesús tnimëtyä'äky ya'atë ijxpäjtën: Jëtu'un ja tsajpjotmëpë kuttujkën ijxtëm ja mostasë pajkën mëti'ipë tu'uk ja ja'ay nyipën kyamjotm.

Juan 11:40

Ënet ja Jesús y'ëtsoowë: ¿Këtii të t'ënëëmë ko xymyëpëkëtyës, m'ixëp ja Dios ja myëj'ajt y'oy'ajtënë?

Marcos 4:31

Jëtu'un yë'ë ijxtëm ja mostazëpajkën. Nitii ujtspajk jëtu'un kyamutskëty ijxtëm yë'ëjën yaa naaxwiiny.

Hebreos 3:19

Jëtu'unts nwinja'awëmëty ko paaty ka'ap tyëjkëtyë jä'ä ko ka'ap myëpëjktë.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

1 Corintios 12:9

Tää mëti'ipë yajmoopyën ja mëpëjkën, ets tää mëti'ipë yajmooytyëpën ja tuunk ets ja pa'amja'ay tyajtso'oktëty.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Mateo 8:26

Tääts ja Jesús y'ëtsooy: ¿Tii ko mtsë'ëkëtë, wäänë miits ja mëpëjkën xymyëët'atë? Ko jëtu'un y'ënäny, tääts tyënaakyujkëy ets ojts twinkukajpxë ja poj ets ja mejy ets pyojmoony.

Mateo 17:19

Oknëm ja Jesús ojts ja y'ijxpëjkpëtëjk myëkäjpxyë ëpëky ets yajtëëwëtë: ¿Tii ko yë ku'oypyë të xykyamaytyës etsës n'ixkäxtëty?

Marcos 11:22

Tääts ja Jesús y'ëtsooy: Mëpëktë Dios.

Mateo 14:29

Tääts ja Jesús y'ënäny: Min. Ënet ja Pedro pyëtsiimy kepy nëëwinye'epyëjoty ets ojts nyijkxy nëëwiinkëjxy ye'epy ma ja Jesúsën.