Mateo 16:27 - Biblia Dc en Mixe de Quetzaltepec

²⁷ Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Biblia Mixe de Quetzaltepec

²⁷ Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 16:27 ပူးပေါင်းရင်းမြစ်များ

Job 34:11

Yë'ë jëtu'un yë ja'ay winë tmo'oy ijxtëm yë ja'ay winë tunyën; yë'ë myoopy yë ja'ay winë ijxtëm pyaatëtën nitu'ukjaty.

Proverbios 24:12

Jä'ä ko oy mja'ënaanpëty ko ka'ap xynyijawë; ja Dios mëti'ipë winë y'ijxypyën ets nyipaye'epyën winë, wa'ats ja t'ixy tnijawë ets tyukëpäjta'ajäämpy ja ja'ay nitu'ukjaty wi'ixjaty tii të tunyën.

Eclesiastés 3:17

Paatyës ëjts n'ëna'any ko yë Dios yë'ë nyija'ap wi'ix tuna'any yë ja'ay mëti'ipë oy ja'ay'ajtpën ets ja'ay mëti'ipë ëxëëk ja'ay'ajtpën, jä'ä ko myëët'ajtääpy yë nyixëëw nyijëmëjt jëna'a winë tyunyë jyätyën ets ma winë yajtuny yajkäjpxyën.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Ezequiel 7:27

Mon tuk nëjkx nyäxyoxyë yë yajkutujkpë, yë ënä'ämpë näjyëtu'un nëjkx je'eyë tsyë'kënë ets ni'ikyë ja naax kajpn t'ëtsë'ëkëja'any. Jëtu'unës ntuna'any tä winë tuntë tkajpxtën ets jëtu'unës ja nyëë pyoky mpaye'eyä'äny tä tpaye'eytyën ja nyëë pyokyëty. Jëtu'unës xy'ixkaptëty ko ëjts Wintsën.

Daniel 7:10

ets jam wyintum mëjnëëjën jam yaj'ixy tsyoony ja jëën. Mil'am jam yaj'ixy ja tuunpëtëjk ets millonk'am nyatänëty. Ja mëti'ipë ja aaw ayuk yäjkpyën ënät ojts kyajpxtsoony ets ojts yajkëëywyä'kxy ja noky.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënety yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënety oy të myëtunyën.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Mateo 13:49

Näyjyëtu'un jyata'any ko ënety ja naaxwiinyëtë kyukëxë. Minantëp ja anklëstëjk ets twinwitsa'antë ja oyjyä'äy ka'oyjyä'äy.

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Mateo 26:64

Ënet ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Dios y'a'oykyë'ëjën, jam jatëkok myina'any yootsjotm, tsajpwinm.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Marcos 14:62

Tääts ja Jesús y'ëtsooy: Jëtu'un, ëjts jëtu'un. Ets miitsëty m'ixantëp ja naaxwiinyëtë ja'ay ja y'u'unk ko jam nyaaxwäätsa'any ma Dios yë y'a'oykyë'ëjën, mëti'ipë Maaytyääyëpën winë, jam yootsjotm jamës ntsoona'any.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Lucas 21:27

Ënet yaj'ixa'any jam tsajpjotm tsyoony yootsjotm ja naaxwiinyëtë ja'ay ja y'U'unk mëët ja mëj'ajt oyajtën.

Lucas 22:69

Näy tyämyë ënät ja naaxwiinyëtë ja'ay ja y'U'unk nyaaxwäätsëty ma Dios ja y'a'oykyë'ëjën, mëti'ipë maaytyääyëpën winë.

Lucas 9:26

Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënety myiny mëët ja Dios Teety ets ja wa'ats anklëstëjk ja myëj'ajt y'oyajtën.

Juan 21:22

Ënet ja Jesús y'ëtsoowë: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty? mijts pamiinkës.

Juan 21:23

Ets ja ayuk ojts ye'eywyä'kxy ma ja mëpëjkpëtëjkën ko ya'atë ijxpëjkpë ka'ap ënety y'ooka'any. E ja Jesús ka'ap ënety jëtu'un të y'ënä'äny ko ka'ap y'ooka'any: Jä'ä ënety të y'ënä'äny: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty?

Hechos 1:11

ets y'ënëmaayëtë: Miits, Galilea ja'ayëty, ¿tii mpa'at'ijxtëp jam tsajpjotm? Ya'atë Jesús mëti'ipë të xy'ixtën pya'tëkë tsajpjotm, jëtu'un jatëkok myina'any yaa naaxwiiny.

Romanos 14:12

Paaty, ni'ëmukë ëëtsajtëm nëjkx nwinkuwa'këmë ja Dios ets ntuk'ëwa'anëmëty tii ënety të ntu'unëmën.

Romanos 2:6

ets ja ja'ay tkumëtoowta'atëty tiijaty ënety të tuntën.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

1 Corintios 8:8

Ka'ap yë'ëkyëjxm ja Dios xykyakupëjkmëty ko tii një'kxmëty, ni yë'ëkyëjxm ja Dios xykyakupëjkmëty ko tii nkajë'kxmëty.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Efesios 6:8

Jä'ä ko miitsëty wa'ats xynyijawëtë ko ja ja'ayëty mëti'ipë nitookyëtyën ets ka'apë nyitookyëtyën y'ëxajëjantëp ja kuma'ayën mëti'ipë ja Wintsën yakäämpyën ko ënety winë të tuntë.

Colosenses 3:25

Mëti'ipë ja ëxëëkpë tyuuntëpën, tukupätëtëp ja Dios, jä'ä ko yë'ë paye'epy ijxtëm pyaat'atyën ets yë'ë ka'ap pën twiink'ixy.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

1 Tesalonicenses 4:16

Jä'ä ko Jesús yë'ë kë'ëm tsoonaanp jam tsajpjotm, mëk'äämpy ja ayuk yajmëtowa'any mëët ja kuttujkën; yajmëtowaanp tu'uk ja tsajpjotmëtë kukäjpxy mëj kutujkënmëëtpë, ets xyu'uxa'any ja Dios ja xyuxn. Mëti'ipë të y'ooktën ets të tmëpëktën ja Jesús yë'ë nëjkx jëyëjp jyuukpyëktë;

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

Judas 1:14

Näyjyëtu'un yë Henoc, ja mëwëxtujkpë y'ijtyën jëwyiin yë Adán, ojts kyäjpxy ets nimëtyäky ya'atë ja'ay: Tëës n'ixy ja Wintsën, mëët mil'am ja y'anklëstëjk,

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.