Mateo 16:21 - Biblia Dc en Mixe de Quetzaltepec

²¹ Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Biblia Mixe de Quetzaltepec

²¹ Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Mateo 16:21 ပူးပေါင်းရင်းမြစ်များ

Mateo 17:12

Je'eyëp koos jëtu'unës n'ëna'any ko ja Elías tëë ja myiny ets yë'ë ka'ap të t'ixkaptë, ni'ikyë ëxëëk të tuntë ijxtëm ja jyot wyinma'anyëtyën. Näyjyëtu'un ja naaxwiinyëtë ja'ay ja y'U'unk ëxëëk tuna'antë mëët ja kyë'ë y'aawëty.

Mateo 27:63

ets t'ënëmaaytyë: Yajkutujkpë, yë'ë ëëts nja'amyäjtstëp ko tääpë win'ë'ënpë ojts y'ënä'äny ma ënety jyaak juuky'ätynyëmën, ko kom tëkëëk xëëw jyuukpyëka'any.

Mateo 20:28

Jëtu'un ijxtëm ëjtsën, ka'apës yë'ëjëty të niminy etsës yë ja'ay xymyëtunëty, yë'ëjës të niminy etsës ja ja'ay nmëtunëty etsës nkëpätëty ja naaxwiinyëtë ja'ay ja nyëë pyoky.

Lucas 17:25

Je'eyëp ko jëyëjp mëk y'ëyowa'any ets ka'ap yë ja'ay tsyoka'anyë tyampë jyuuky'atën.

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

Marcos 8:31

Tääts ja Jesús tuk'ijxpëjktso'ony ja y'ijxpëjkpëtëjk wi'ix ënety mëk y'ëyo'onpaata'anyën. Ko ka'ap kyupëka'anyë ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk. Ojts tuk'ëwaanë ko yaj'ooka'anyë ja ja'ay je'eyëp ko kom tëkëëk xëëw jatëkok jyuukpyëka'any.

Lucas 9:31

atë'kxtëp yaj'ixtë ets nikajpx nimëtya'aktë wi'ix ja Jesús ënety y'ooka'anyën jam Jerusalén.

Mateo 26:47

Tam ënety ja Jesús kyäjpxynyëm ko ja Judas jyä'äjty, mëët ja mayjyä'äy, tam mëti'ipë tëypyujxn myëët'ajtypyën ets mëti'ipë kepy myëëtën, yë'ë käjxëtëp ja teety wintsëntëjkëty ets ja mëjja'aytyëjkëty.

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Mateo 27:12

Ja teety wintsëntëjk ets ja mëjja'aytyëjk yajxon ja Jesús tjanty'ojtë, ja Jesús ka'ap nitu'k'aaw y'ëtsooy.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Nehemías 12:7

Salu, Amoc, Hilquías ets Jedaías. Ya'atë ja'ayëty yë'ëjën nyikopk'ajtë myëku'uktëjkëty ets ja teetytyëjkëty ma ja Josué jyuuky'äjtyën.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 16:22

Ënet ja Pedro ëpëky wyoownëjkxë ets y'ojyë tä y'ënëmaayë: Ka'ap mëpaat yë Dios jëtu'un tyajkutuky Wintsën, ka'ap mëpaat jëtu'un mjaty.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Mateo 28:6

Ka'ap ja yaa pën, tëë ja jyuukpyiky ijxtëm y'ënänyën. Min ixtë ma ojts yajpëjktä'äkyën.

Marcos 9:12

Ënet ja Jesús y'ëtsooy: Mëtëy yë'ë, jëwyiin yë Elías myina'any ets tu'kë'ëyë tyaj'o'oyëtya'aja'any winë. ¿E tii ko ja Dios ja y'ayuk y'ënä'äny koos ëjts n'ëyo'onpaata'any ets ko ka'apës nyajkupëka'any?