Mateo 16:19 - Biblia Dc en Mixe de Quetzaltepec

¹⁹ Nmo'ojäämpy ja tsajpjotmëpë kuttujkën ja nyi'ëwatsn ets xynyikajpxëty mëti'ipë tuunp katuunpën. Pën tii mijts mkakupëjkpy yaa naaxwiiny, näjyëtu'un ka'ap yajkupëkëty jam tsajpjotm; ets pën tii mijts mkupëjkpy yaa naaxwiiny, näjyëtu'un yajkupëkëty jam tsajpjotm.

Biblia Mixe de Quetzaltepec

¹⁹ Nmo'ojäämpy ja tsajpjotmëpë kutujkën ja nyi'ëwatsn ets xynyikajpxëty mëti'ipë tuunp katuunpën. Pën tii mijts mkakupëjkpy yaa naaxwiiny, näjyëtu'un ka'ap yajkupëkëty jam tsajpjotm; ets pën tii mijts mkupëjkpy yaa naaxwiiny, näjyëtu'un yajkupëkëty jam tsajpjotm.

Mateo 16:19 ပူးပေါင်းရင်းမြစ်များ

Isaías 22:22

Ma kyejkyën nëjkx npëjktä'äkyës ja ëwatsn mëti'ipë nyi'ëwatsn'ajtypyën ja David ja tyëjk. Ni pën tkajëkyepy tyaj'ëwa'atsëty mëti'ipë yë'ë yaj'ëtujkpyën, ets ni pën tkajëkyepy tyaj'ëtukëty mëti'ipë yë'ë yaj'ëwatsypyën.

Mateo 18:18

Tëy miits n'ënëëmëtë, pën tii mkutsuumtëp yaa naaxwiiny, näjyëtu'un kutsumy wyë'ëmëty tsajpjotm; ets pën tii mmëkäjëtyëp yaa naaxwiiny, näjyëtu'un mëkäjë wyë'ëmëty jam tsajpjotm.

Juan 20:23

Pën mpokymyä'kxtëp ja ja'ay, nime'kxy wyë'ëma'any; e pën ka'ap xypyokymyä'kxtë, ka'ap yajnimä'kxa'any.

Hechos 15:7

Tëë ënety jeky myëtya'aktë ko ja Pedro ojts wya'kukë ets y'ënëmaayëtë: Mëku'uktëjkëty, miits mnija'awëtëp koos ojts jekyëp ja Dios xywin'ixy etsës ja ja'ay ja oy aaw oy ayuk ntuk'ëwaanëtëty mëti'ipë ka'ap jyutiis'atën, yë'ëty ojts myëpëktë.

2 Corintios 2:10

Jëtu'un, pën jam miits pën xynyimä'kxtë, näjyëtu'unës nimä'kxëty; ets koos pën nimä'kxëty, ënät pën jam tii të tuuntëkoy mëti'ipë yajnimä'kxëpën; ko ënety miits të m'ëna'antë ets ja Kristë myëjnaxëty.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Apocalipsis 9:1

Ko ja mëmëkoxkpë tsajpjotmëtë kukäjpxy tukxuxy ja pujxnxuxn etsës n'ijxy ja matsa'a mëti'ipë ënety të kyuka'anaxyën naaxwiiny ets yajmooy ja ëwatsn, mëti'ipë nyijä'ä'ajtypyën ja mëjjut mëti'ipë nëjkxpën jap ëyoowtaknjoty.