Mateo 16:17 - Biblia Dc en Mixe de Quetzaltepec

¹⁷ Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.

Biblia Mixe de Quetzaltepec

¹⁷ Ënät ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Tios Teety tsajpjotmëpë yë'ë të mmo'oyë jëtu'unpë winma'any.

Mateo 16:17 ပူးပေါင်းရင်းမြစ်များ

Juan 6:45

Jëtu'un ja Dios ja kyäjpxynyajxpë y'ënantë: Ni'ëmukë ja Dios tyaj'ijxpëka'any. Paaty mëti'ipë myëtoow'ijtëpën ja Dios Teety ets tjatë mëti'ipë tuk'ijxpëjkëtëpën, ëjts xynyimiintëp.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Gálatas 1:16

ets ojts xytyuk'ixy xytyuknijawës ja y'u'unk Jesús etsës nkajpxwa'kxëty ja Jesús ja jyä'ä ma ja ja'ayëtyën ka'apë jyutiis'atën. Ka'apës pën ja'ay nyajtëëy nyajtëtäky,

1 Corintios 15:50

Mëku'uktëjkëty, yë'ëjës ntijpy, ko ja ni'kx kopk mëët ja ne'pyny ets ja xixy, mëti'ipë nmëët'ajtëmën, ka'ap nëjkx yë'ëjëty nyijkx ma ja Dios ja kyutujktaknën; ets mëti'ipë o'kpën, ka'ap nëjkx xëmëkyëjxm y'ity.

Efesios 3:5

Ni pën ijty tëëyëp tkanijawë, je'eyëp ko tyam tëë ja Dios mëët ja kyënu'kxymyëk'ajtën tuk'ixy tuknijawë ja wa'atspë y'ijxpëjkpëtëjk ets ja kyäjpxynyajxpëtëjk.

Isaías 54:13

Nëjkxëp yë m'u'unk m'ëna'k nyaj'ijxpëjkta'atës ets aak jotkujk nëjkx y'itë.

1 Juan 4:15

Pën nyikäjpxyp ko ja Jesús Dios y'U'unk'atyë, yë'ë mëët ja Dios jyuuky'äty ets Dios jam yajpaaty ma yë'ëjën.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Dios.

Lucas 22:32

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.