Mateo 15:36 - Biblia Dc en Mixe de Quetzaltepec

³⁶ ets tkoonë'ky ja wëxtujkpë ja tsajpkääky ets ja ajkx. Ko ja Dios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Biblia Mixe de Quetzaltepec

³⁶ ets tkoonë'ky ja wëxtujkpë ja tsajpkääky ets ja ajkx. Ko ja Tios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Mateo 15:36 ပူးပေါင်းရင်းမြစ်များ

Romanos 14:6

Pën tu'uk ja xëëw y'ëmaay'äjtyp, Dios wyintsë'këp ko t'ëmaay'äty; pën tii jyi'kxyp, Dios wyintsë'këp ko tii tjë'kxy ets yë'ë kyukajpxëp; e pën ka'ap tii tjë'kxyën nän Dios wyintsë'këp ko ka'ap tii tjë'kxy, ets nän kyukajpxëp ma Tiosën.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Dios tkukajpxëy ma ënety japëtyën ni'ëmukë ets ojts kyääytsyoony.

Juan 6:11

Ets ja Jesús tkoonë'ky tu'uk ja tsajpkääky ets ja Dios tkukajpxëy. Tääts ojts tujkwä'kxy ets tmooy ja ja'ayëty mëti'ipë ënety jam u'unyääytyëpën. Näyjyëtu'un ojts tyajwä'kxy ja ajkx ets ojts yajmo'otë ja ja'ay jënu'un ënety tsoktën.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Lucas 22:17

Tääts ja Jesús tu'uk tkoonë'ky ja a'ukën ets ja Dios tkukajpxëy ets y'ënäny: Ëxajëtë ya'atë ets xy'uukwa'kxtëty.

Mateo 14:19

Ënet ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënet pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 15:35

Tääts ojts tni'ënä'ämë ets ja ja'ay nyaaxwäätstëty naaxkëjxy,

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.