Mateo 15:31 - Biblia Dc en Mixe de Quetzaltepec

³¹ Mëj ixy ja ja'ay tja'awëtyë ko ja uum kyajpxë'ktë, ko ja kë'ëma'atpë y'o'oyëtë ja kyë'ë, ko ja tekymya'atpë ye'epyëjktë ets ko ja wiintspë y'ixë'ktë. Ënet ja Israel Dios tyajmëjnajxtë.

Biblia Mixe de Quetzaltepec

³¹ Mëj ixy ja ja'ay tja'awëtyë ko ja uum kyajpxë'ktë, ko ja kë'ëma'atpë y'o'oyëtë ja kyë'ë, ko ja tekymya'atpë ye'epyëjktë ets ko ja wiintspë y'ixë'ktë. Ënät ja Israel Tios tyajmëjnajxtë.

Mateo 15:31 ပူးပေါင်းရင်းမြစ်များ

Mateo 9:8

Mëj'ixy ja mayjyä'äy t'ijxtë ets ja Dios tmëjja'awëtyë ko jëtu'un ja ja'ay ja kuttujkën të yajmo'otë.

Lucas 18:43

Ënätyë ja wiints y'ijxpëjky ets tpatso'ony ja Jesús ets tmëja'aw tkënu'kxyja'awëy ja Dios; ko ja mayjyä'äy jëtu'un t'ijxtë ojts ja Dios tmëjjaw tkënu'kxyjyawëtë.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Mateo 18:8

Paaty n'ënëëmë, pën myajpokytyuunëp yë mkë'ë ëkë yë mteky, katspux ets jëkäm pëjkta'ak; nikë oy ko mtëkëty kë'ëtu'uk ëkë tekytyu'uk ma ja Dios ja kyutujktaknën ets këtii ko myajpëjkta'akëty ëyoowtakntujp xëmëkyëjxm mëët ja mkë'ë ëkë ja mteky mäjtsk.

Mateo 9:33

Ko ja Jesús t'ixkejxy ja ku'oypyë, tääts ja uum kyajpxë'ky. Janty mëj'ixy ja ja'ay t'ijxtë ets y'ënantë: Nijëna'a jëtu'unpë kyayaj'ixynyëm yaa Israel y'itjoty.

Juan 9:24

Ojts ja jutiis ja'ayëty jatëkok twowtë ja mëti'ipë ënety wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Lucas 14:21

Tääts ja tuunpë wyimpijty ets tuk'ëwa'anëy ja wyintsën wi'ixëty ënety të y'ëtsowtën ja ja'ayëty. Ënet ja wintsën jyoot'anpëjky ets ja tyuunpë ojts t'ëne'emy: Nëjkx në'ëjoty tu'ujoty, m'aye'eytya'ajëp yë kajpn ets xywyoowminëty yë ëyoopëja'ay, yë kë'ëma'atpë tekymya'atpë ets wiintsëtypë.

Lucas 14:13

Ko tii xëëw xytyuknipëjktaakëty, nikë yë'ë mwowëp ëyoopëja'ay, kë'ëma'at tekymya'atpë ets ja wiintspë jëtu'un jotkujk myajpaatëty.

Marcos 9:43

Pën myajpokytyuunëp yë mkë'ë, katspux. Nikë oy ko kë'ëtuk xypyaatëty ja xëmëkyëjxmëpë ja juukyajtën ets këtii ko mkë'ë mëët kä'pxy myajpëjkta'akëty ëyoowtaknjoty, ma ja tënë'k nijëna'a kya'ookyën ets ja jëën nijëna'a kyapi'itsyën.

Marcos 7:37

Tääts ja ja'ay y'ënantë ko mëj'ixy t'ixtë: Oy tyaapë ja'ay winë tuny. Yajmëtoowë'kpy yë ja'ay natpë ets yajkajpxë'kpy yë uumpë.

Marcos 2:12

Pëtë'k ja pa'amja'ay ets ja myaapäjn tkëëyi'ky ets tsyo'onë mayjyä'äyjotm. Paaty ja ja'ay ni'ëmukë mëj'äämpy t'ijxtë ets ja Dios tmëjja'awëtyë tjaantyjya'awëtyë ets y'ënantë: Nijëna'a ëëts ya'atë jëtu'unpë nka'ixynyëm.

Mateo 21:14

Ënet myiintë jap tsajptëkoty ja wiintstëjk ets tekymya'atëjk ma ja Jesúsën ets ojts ja Jesús tyajtsokta'ay.

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Mateo 9:32

Tam ënety kyatsoontënëm ja ja'ayëty mëti'ipë të y'ijxë'ëktën, ko twoowmiintë ma ja Jesúsën tu'uk ja ja'ay uumpë, ku'oypyë myëët'ajtyp.

Mateo 15:30

Janty nimay ja ja'ay myujktë ma ja Jesús ets ojts tukninëjkxtë may ja pa'amja'ay, tam tekymya'atpë, wiintspë, uumpë ets wi'ixëty ja pa'am y'ixëty. Jesús ojts tyajtsokta'ay.