Mateo 15:29 - Biblia Dc en Mixe de Quetzaltepec

²⁹ Tääts ja Jesús jam tsyo'ony ets ojts nyäxy Galilea mejypyë'am. Ënet pyatëjkëy jam Kopkwinm ets jam nyaaxwe'tsy.

Biblia Mixe de Quetzaltepec

²⁹ Tääts ja Jesús jam tsyo'ony ets ojts nyäxy Galilea mejypyë'am. Ënät pyatëjkëy jam Kopkwinm ets jam nyaaxwe'tsy.

Mateo 15:29 ပူးပေါင်းရင်းမြစ်များ

Mateo 4:18

Jam ënety ja Jesús nyäxy Galilea mejypyë'am ko t'ijxpaty ja ja'ay nimäjtsk tukä'äxëty, tu'uk txëëwaty Simón, mëti'ipë yajtijpën Pedro ets tu'uk txëëwaty Andrés. Ajkxmajtsk tyuunk'ajtëp, tsaay ënety nyëëkujëpijptëp mëti'ipë tyuk'ajkxmajtstëpën.

Juan 6:1

Ko wäänë y'ijty, ënät ja Jesús ojts nyijkx jamtsow nëë'awinm Galilea mejypyë'am, mëti'ipë näjyëtu'un yajtijpën Tiberias.

Mateo 5:1

Ko ja Jesús t'ijxy ja mayjyä'äy, ënät pya'tëjkëy jam kopkkëjxm ets ojts nyaaxweetsy. Jamts ja y'ijxpëjkpëtëjk myëwinkoonë.

Juan 21:1

Ko jëtu'un tyuuntaay jyajtaayë, ënät ja Jesús ojts jatëkok nyänyikëxë'ëkyë ma ja y'ijxpëjkpëtëjkën jam Tiberias mejypyë'am. Jëtu'un ojts tyunyë jyätyë:

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

Marcos 1:16

Jam ënety ja Jesús nyäxy Galilea mejypyë'am ko t'ijxpaty ja Simón mëët ja y'uty Andrés, ajkxmajtsk tyuunk'ajtëp, tsaay ënety nyëëkuwijtstëp mëti'ipë tyuk'ajkxmajtstëpën.

Mateo 13:2

Jä'ä ko janty nimay ja ja'ay myujktë, paaty ja Jesús ojts tyëkë kepy nëëwinye'epyëjoty. Jamts nyaaxwe'tsy ets ja mayjyä'äy jam tyänëtë jinjotm.

Isaías 9:1

Ja ja'ay mëti'ipë tyam moonp tujkpën, ka'ap xëmë api'its akoots y'ita'any, jëtu'un ijxtëm ojts tëëyëp tëkok jyäty kyëpetyën ko jyajtë ma ja Zabulón ja y'itjot nyaaxjotmën, ets ma ja Neftalí näjyëtu'un ja jyä'äyën; nëjkxëp jatëkok jyotkujktä'äky jam ja tsëna'ayën juukyajtënën ma ja mejy yajninëjkxyën, ma ja Jordán y'itjotmën, ma ja Galilea nyaaxjotmën.

Josue 12:3

Yë'ë ënety näjyëtu'un jyä'äniwäämpy ja jampë joyjyot yajpaatyën a'oytsyow ma ja Jordán mëjnëëjën; tsyo'ontä'äky jam ma ja Quinéret mëjnëëjën ets tyimja'ty ma yajtijyën Ooky mëjmejy matsow yajninëjkxyën ja Bet-jesimot ets kyuye'eynyäxy, nyijkxy ëpa'tkë'ëmtsow ets jyä'ty jam ma Pisgá kopkën.