Mateo 15:28 - Biblia Dc en Mixe de Quetzaltepec

²⁸ Ënet ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Biblia Mixe de Quetzaltepec

²⁸ Ënät ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Mateo 15:28 ပူးပေါင်းရင်းမြစ်များ

Mateo 8:13

Tääts ja Jesús t'ënëmaay ja tsiptuunpë wintsën: Nëjkx ma mtëjkën, wä'än jëtu'un tunyë tjatyë ijxtëm të xymyëpëkyën. Näy jää mëtëy ja tsiptuunpë wintsën ojts ja tyuunpë tsyo'oky.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Mateo 9:22

Tääts ja Jesús wya'akwinpijty ets tni''ijxwinpijty ja to'oxytyëjk ets t'ënëmaay: Nnëëxës, jotkujk yajpaat, yë mmëpëjkën yë'ë të myajtso'okyë. Ënätyë tsyoky ja to'oxytyëjk.

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Lucas 17:5

Tääts ja Wintsën ja y'ijxpëjkpëtëjk y'ënëmaayë: Putëjkëtëkës etsës wäänëni'ik nmëpëktëty.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Lucas 7:9

Mëjmëtoy ja Jesús tmëtooy ko ja tsiptuunpë wintsën jëtu'un y'ënä'äny ets wya'akwinpijty, tääts t'ënëmaay ja ja'ay mëti'ipë ënety yajpatëpën: Jëtu'un miits n'ënëëmëtë ko ni tu'ukës ja'ay jëtu'unpë të nkapaaty ma Israel kajpnën ijxtëm ya'atë ye'etyëjkën, mëk tmëëtëty ja mëpëjkën.

Job 23:10

Yë'ë wa'ats tnijawë nye'eyënës nnajxënës; koos xy'ëk'ixa'anëty, wa'atsës xypyaatëty tä pu'ts pujxnën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Mateo 14:31

Ënätyë ja Jesús ojts myätsyë kyë'ëkëjxy ets t'ënëmaay: Yi'inëm mijts ja mëpëjkën xymyëëtëty. ¿Tii ko të mmaaytyëkatsy?

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Lamentaciones 3:32

Oy xy'ëkyaj'ëyo'owmëty, xypya'ëyo'owmëp jatëkok, jä'ä ko tsyojkën jya'awën mëj këjää ni'ik.

Mateo 15:27

Ets ja to'oxytyëjk y'ënäny: Wintsën, mëtëy yë'ë, je'eyëp ko yë uk jyë'kxtëp yë akiink aka'ak mëti'ipë ka'apën kaaypyäjn pa'tkë'p ma wyintsën kyäyën.