Mateo 15:27 - Biblia Dc en Mixe de Quetzaltepec

²⁷ Ets ja to'oxytyëjk y'ënäny: Wintsën, mëtëy yë'ë, je'eyëp ko yë uk jyë'kxtëp yë akiink aka'ak mëti'ipë ka'apën kaaypyäjn pa'tkë'p ma wyintsën kyäyën.

Biblia Mixe de Quetzaltepec

²⁷ Ets ja to'oxytyëjk y'ënäny: Wintsën, mëtëy yë'ë, je'eyëp ko yë uk jyë'kxtëp yë akiink aka'ak mëti'ipë ka'apën kaaypyäjn pa'tkë'p ma wyintsën kyäyën.

Mateo 15:27 ပူးပေါင်းရင်းမြစ်များ

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Lucas 16:21

Yajxon tjakayä'äny ja tsajpkääky apu'uxk mëti'ipë ka'apën naaxkëjxy ma ja kumeenyjyä'äy ja kyääypyäjnën; jam ja uk nyiminyë ets ja pyu'uts yajniweey.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 3:29

¿Wä'än jëtää yë Dios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Lucas 18:13

E ja yajkukëpäjtpë, jëkäm jam tyänë, ets ni kya'ijxë'ëky, je'eyë nyäkyätsykyupyë ets y'ënä'äny: Dios Teety, pa'ëyoowkës, pokyjya'ayës ëjts.

Mateo 8:8

Ets ja tsiptuunpë wintsën y'ëtsooy: Wintsën, ka'apës xypyaat'aty ets mtëkëty ntëkotyës, je'eyë xynyi'ënä'ämëty etsës ja ntuunpë tsyo'okëty.

Mateo 5:45

Jëtu'un xyajnikëxë'ëktëty ko Dios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Romanos 3:4

Niwi'ix'äämpy. Dios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënety myajnipaye'ey mijts mëta'akaanp.

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Efesios 3:19

N'amëtoopy npëjktsoopyës ets xynyijawëtëty ya'atë tsojkën ja'awën, ko ni'ik myëjëty këtiinëm tii wiinkpë, ets ni'ikyë xypyaatëty ja Dios ja y'oyajtën.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Mateo 15:26

Tääts ja Jesús y'ëtsooy: Ka'ap y'oyëty ets ja u'unk ëna'k yajpëjkëtëty yë tsajpkääky ets yajmo'ojëty yë uk.

Mateo 15:28

Ënet ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Marcos 7:28

Tä ja to'oxytyëjk y'ëtsooy: Je'eyëp ko yë'ë näjyëtu'un mwinjawëp Wintsën, ko yë'ëpaat yë uk pyätyp yë jyi'kxy mëti'ipë najtska'ajëpën kaaypyäjn pa'tkë'p ijxtëm ja tsajpkääky apu'uxmën mëti'ipë yajka'atëpën ja u'unk ëna'k.