Mateo 15:25 - Biblia Dc en Mixe de Quetzaltepec

²⁵ E ja to'oxytyëjk ojts tmëwinkony ja Jesús ets twinkoxtënaay ets t'ënëmaay: Wintsën, putëjkëkës.

Biblia Mixe de Quetzaltepec

²⁵ E ja to'oxytyëjk ojts tmëwinkony ja Jesús ets twinkoxtënaay ets t'ënëmaay: Wintsën, putëjkëkës.

Mateo 15:25 ပူးပေါင်းရင်းမြစ်များ

Marcos 9:22

Kanaak ok ja ku'oypyë jëënjoty ets nëëjoty të yajkukëtawëty ets yaj'ooka'anyë. Pën mëpaat xyajtso'oky, pa'ëyoowtëkës ets putëjkëtëkës.

Mateo 20:31

Tääts ja ja'ay ojts y'ojëtë ets y'ëmontëty ets wäänëni'ik tyëjkëtyë yaxpë jojkpë: Wintsën, yajkutujkpë David y'u'unk, pa'ëyoowtëkës.

Mateo 14:33

Ets pënjaty ënety jap kepy nëëwinye'epyëjoty, ojts nyäkyoxtënaaytya'akëtë Jesús wyintuuy ets t'ënëmaaytyë: Tëy jëtu'un, Dios U'unk mijts.

Oseas 12:4

Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Dios ets mëët myëtyäky.

Génesis 32:26

Ënet ja naaxwiinyëtë ja'ay ojts ja Jacob y'ënë'ëmxëty: Ëxmajtskës, jä'ä ko tää xyiinyënë. Pën ka'apës xymyo'oy yë kënu'kxën, ka'ap yam mijts n'ëxmatsëty, jëtu'un y'ëtsooy ja Jacob.

Marcos 9:24

Ënet ja yä'äy ëna'k ja tyeety mëk y'ënäny: Nmëpëjkpyës; putëjkëtëkës ets njaaktimmyëpëkëtyës.

Mateo 8:2

Tääts ja ja'ay ojts tu'uk nyiminyë mëti'ipë pu'uts pa'am pëjkëpën ets nyäkyoxtënaaytyakë Jesús wyintuuy ets y'ënäny: Wintsën, pën mtsojkpy, yajtsokës ets yajwatskës.

Mateo 15:26

Tääts ja Jesús y'ëtsooy: Ka'ap y'oyëty ets ja u'unk ëna'k yajpëjkëtëty yë tsajpkääky ets yajmo'ojëty yë uk.