Mateo 15:14 - Biblia Dc en Mixe de Quetzaltepec

¹⁴ Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Biblia Mixe de Quetzaltepec

¹⁴ Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Mateo 15:14 ပူးပေါင်းရင်းမြစ်များ

Lucas 6:39

Tääts ja Jesús tnimëtyäky ya'atë ijxpäjtën: ¿Wä'än jëtää tu'uk ja ja'ay wiintspë ja myëwiints tu'uwinwitsëtyë? Ka'ap ¿nimäjtsk jyutkukëtawa'antë?

Isaías 56:10

jä'ä ko ja ja'ayëty mëti'ipë ijx'ijtp këwent'ajtëpën, maas ja nnaax nkajpnën aak wiints të y'awinpijta'atë. Ka'ap tii t'ixtë; jëtu'un tä uk uumpën, ka'apë wyojyën; je'eyë mya'atë pyo'kxtë ets xyëëwma'atë, jëtu'un jyuuky'atë xëmë wiinkumaatë yowë.

Malaquías 2:8

E miitsëty teetytyëjkëty, tëë ja ntu'ujës xy'ëxmajtsnëtë; aak tëkatsyjyäty ja ja'ay winë të xytyukni''ixëtë ets xyajwinma'anytyëkoytyë. Jëtu'un të xyajma'atë ja nkäjpxytyu'unënës mëti'ipës mëët ja Leví ojts ntunyën.

Isaías 9:16

Ja tu'uwinye'eypyëtëjk tëë ja naax kajpn twoowtëkoytyë, ja naax kajpn mëti'ipë ënety yajmëyäjtypyën ja tu'uwinye'epyë, tëë ja tyu'utëkoytyë.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 42:19

Ni pën jëtu'un kyawiintsëty ets kyanatëty tääjës yë ntuunpën mëti'ipës të nkexyën, ni pën jëtu'un kyawiintsëty ets kyanatëty tääjës yë nkäjpxynyajxpën mëti'ipë Wintsën myëtuumpyën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

2 Pedro 2:17

Yë jëtu'unpë yaj'ijxpëjkpëtëjkëty, jëtu'un yë'ëjëty ijxtëm tu'uk ja nëëjutën mëti'ipë ka'ap tii nëë tmëëtëtyën, ijxtëm ja yoots wyimpapojyën ko ka'ap tyu'uja'any. Paaty ja Dios pyëjkta'aka'anëtë akootstuuy.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

Oseas 4:17

Yë Israel, mëti'ipës ntsojkpy nja'apën, të nyäkyë'ëyäkyë ma wiink tiosën. Tä ëmu'ukyë ja'ayën të kyëtaawta'atë. Janaam jatsojk jyot nyini'kx tooktë tyaktë ets yë'ë ni'ik tsyojkën'ajtëp yë tsëtyu'un këtiinëm yë näyajmëjnaxë.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.