Mateo 14:9 - Biblia Dc en Mixe de Quetzaltepec

⁹ Ja yajkutujkpë Herodes ko jëtu'un tmëtooy ka'ap ojts jotkujk nyäjyawëty, e komë tëë ënety ja mayjyä'äy tukmëtoy ko yakäämpy tii tyim'amëtoopy ja to'oxy'ëna'k, ënät ni'ënä'ämëy ets ja Juan ja kyëpajk yajmo'ojëty texyjoty.

Biblia Mixe de Quetzaltepec

⁹ Ja yajkutujkpë Herodes ko jëtu'un tmëtooy ka'ap ojts jotkujk nyäjyawëty, e komë tëë ënäty ja mayjyä'äy tukmëtoy ko yakäämpy tii tyim'amëtoopy ja to'oxy'ëna'k, ënät ni'ënä'ämëy ets ja Juan ja kyëpajk yajmo'ojëty texyjoty.

Mateo 14:9 ပူးပေါင်းရင်းမြစ်များ

Lucas 13:32

Ets ja Jesús y'ëtsooy: Nëjkx ënëëmëtë tääpë wax: Ko tyam ets jëpom yë ku'oypyë n'ixkäxa'anyës ets nyajtso'oka'anyës yë pa'amja'ay, ets wëxtëjkm nyajjëjpkëxa'anyës.

Marcos 6:26

Tä ja Herodes jyotmaytyëjkëy; e jä'ä ko tëë ënety ja Dios tyajkäjpxy ets tëë ënety tmëtowtë ja ja'ay mëti'ipë jam kaaytyëpën, paaty ojts tkupëky.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Marcos 6:14

Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënety ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Mateo 14:5

Oy ja Herodes tjayaj'ooka'any ja Juan, tsyë'këp ja mayjyä'äy, jä'ä ko ja mayjyä'äy jëtu'un myäytyë tyajtë ko ja Juan Dios kyäjpxynyajxpë yë'ë.

Mateo 14:1

Näy jää it ja yajkutujkpë Herodes ojts tmëtoy'äty ja Jesús ko yajnimëtyä'äky. Yë Herodes jam ënety yajkutuky Galilea,

Eclesiastés 5:2

Këtii mjot'ëtë'ëtsëty ets ënätyë tii xywyaanta'aka'anëty ma Tiosën, jä'ä ko yë Dios tsajpjotm yë yajpaaty ets mijts naaxkëjxy. Paaty mijts wäänjaty mëtya'akëty,

1 Samuel 28:10

E ja Saúl ja Dios ojts ja xyëëw tukkajpxpety ets t'ënëmaay: Tyamës yë Dios yë xyëëw ntukkajpxpety ko mijts ka'ap tii mjatëtëty.

1 Samuel 25:22

Paaty ojts tnikäjpxy Dios wintum ets y'ënäny: Dios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.

1 Samuel 14:28

Tääts tu'uk ja tsiptuunpë y'ënëmaayë mëti'ipë ijxën: Tëë mteety y'aaw y'ayuk tkäjpxy Dios xyëëwkëjxm ets të y'ënä'äny: Ko pën tii jyi'kxyp tyam, poky nëjkx wyi'imy. Ijxtëm xy'ixyën paatykyëjxm yë ja'ay tëë y'ënu'kxëtyääynyëtë.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

Jueces 21:1

Yë Israel ja'ayëty tëë ënety jam tkajpxmuktë Mizpá ko ka'ap ja nyëëxëty tyaka'antë ma ja Benjamín ja'ayëtyën ets yë'ë mëët pyëktëty y'uuktëty.

Jueces 11:39

Ko nyäxy ja xëëw mäjtsk po'o, ënät ojts jatëkok wyimpijnë ma ja tyeety yajpaatyën ets jëtu'un ja Jefté ojts tyaj'ëtuky ja wyaantakën mëti'ipë ënety të tunyën ma Tiosën. Yë Jefté yë nyëëx wa'ats y'o'ky, ni pën ye'etyëjk ojts mëët kyatsëënë.

Jeremias 44:25

Yë Wintsën mëti'ipë maaytyääyëpën winë, mëti'ipë yë Israel Tyios'ajtëpën, jëtu'un y'ënä'äny: Miitsëty to'oxytyëjkëty, m'aawkyëjxm m'ëna'antë ets xytyuntë mëti'ipë mkajpxtëpën. Miitsëty jëtu'un të m'ëna'antë ko tëë xytyukwinwanëtë ja poom ets ja tsatym nyëë ja mëti'ipë nyiWintaj'ajtypyën ja Tsajp ets ko kopkpëky xytyuna'antë mëti'ipë të xytyukwinwanëtën. Oy jyëtu'un'atëty, tuntë mëti'ipë të xywyaanta'aktën.

Mateo 14:8

Ja kiixy tëë ënety ja tyaak y'akajpxëty, ënät t'ënëmaay ja Herodes: Yaa xyakëty texyjoty ja Juan Yajnëëpäjtpë ja kyëpajk.

Mateo 14:10

Ënet ni'ënä'ämëy ets ja Juan ja kyëpajk yajkatspuxëty jap pujxn tëkoty.