Mateo 14:3 - Biblia Dc en Mixe de Quetzaltepec

³ Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Biblia Mixe de Quetzaltepec

³ Jä'ä ko tëë ja Herodes ënäty tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënäty të y'ënë'ëmxëty ets tmatsëty ja Juan,

Mateo 14:3 ပူးပေါင်းရင်းမြစ်များ

Mateo 11:2

Jap ënety yë Juan pujxn tëkoty ko tnija'awëy wi'ix ja Kristë winë tunyën, ënät tkejxy ja y'ijxpëjkpëtëjk ma ja Jesúsën,

Mateo 14:6

E jää ma ja Herodes nyänyixëëwtunyën, ma ja xyëëw kyä'äxpäjnën, ënät ojts ja Herodías ja nyëëx tyëkë äjtspë, tap ënety ja ja'ay jyatëtë ets ja Herodes tyukjotkëtak ko ja Herodías ja nyëëx y'ejtsy.

Mateo 4:12

Ko ja Jesús tnija'awëy ko ja Juan ënety të yajtsumy, ënät ojts nyijkxy jam Galilea y'itjotm.

Marcos 6:14

Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënety ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Marcos 6:17

Paaty ja Herodes jëtu'un y'ënäny jä'ä ko yë'ë ënety të ni'ënä'ämë ets ja Juan yajmatsëty ets yajtsumëty kë'ëtsumy tekytsyumy. Herodías kyëjxm ojts jëtu'un y'ëti'itsy, mëti'ipë ijty ja y'uty Felipe tyo'oxytyëjk'ajtypyën, mëti'ipë ja Herodes ojts tpëkyën.

Marcos 6:19

Paaty ja Herodías tukjoot'anpëjky ja Juan, ets myäy tyäjy ko ja Juan tyaj'ooka'any. E kä'äp ënety oy tmëët'aty ja wa'kpäjn wi'ix ja Juan tyaj'ooktëty.

Marcos 6:22

Ënet ja Herodías ja nyëëx tyëjkëy ma ja ja'ay ënety kyäytyë y'uuktën ets tyëjkëy äjtspë, ja yajkutujkpë Herodes ets ja ja'ayëty mëti'ipë jam a'ux'ajtëpën janty'oy t'ijxtë ko ja kiixy y'etsy. Paaty ja yajkutujkpë t'ënëmaay: Amëtoowkës tii mtsojkpy, tyam nmo'ojëty.

Marcos 8:15

Tääts ja Jesús ja y'ijxpëjkpëtëjk t'ënëmaay: Näkyëwent'atëtë, këtiipë ja fariseë ja'ayëty ets ja Herodes ja'ay mtukpaatëtëty ja tsajpkääky nyitsooy.

Lucas 13:1

Jää it ja Jesús ojts nyiminyë jënaakën ja ja'ay mëti'ipë tukmëmëtyakën ko ënety ja Pilato të txëpiny ja jyot nye'pny ja Galilea ja'ay mëët ja jëyujk ne'pyny mëti'ipë të wyintsë'kën'atyën.

Lucas 13:31

Tam ja fariseë ja'ayëty mëti'ipë ja'ajtën ma ja Jesús jamën ets t'ënëmaaytyë: Nikë oy ko mtsoonëty yaa ets mnëjkxëty wiinktsow, jä'ä ko myaj'ookanëp yë Herodes.

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 23:7

Ko yajtuk'ëwa'anëy ko jyä'äjëty, ënät ojts tuknikexy ja Herodes, mëti'ipë ënety yajkutujkpën jam Galilea, mëti'ipë ënety jam Jerusalén yajpatpën ko ëmaayxyëëw tyunyë.

Lucas 3:1

Mëmajkmokx jëmëjt ënety y'ëne'emy ja yajkutujkpë Tiberio César ets ja Poncio Pilato yajkutuky jam Judea. Ja Herodes jam yajkutuky Galilea, ja myëkä'äx Felipe jam yajkutuky Iturea ets Traconite e ja Lisanias jam yajkutuky Abilene;

Lucas 8:3

näjyëtu'un ja Juana, Cuza tyo'oxytyëjk, mëti'ipë jam tuunpën ma ja Herodes y'ëne'emyën; ja Susana ets nimay ja to'oxytyëjkëty ijty pyutëkëtë.

Hechos 12:1

Jää tiempo ja yajkutujkpë Herodes ojts tpajëtijtä'äky ja mëpëjkpëtëjk,

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.