Mateo 14:25 - Biblia Dc en Mixe de Quetzaltepec

²⁵ Komjëpom, tim tsojk ojts ja Jesús nyinëjkxëtë ye'epy mejy wiinkëjxm.

Biblia Mixe de Quetzaltepec

²⁵ Komjëpom, tim tsojk ojts ja Jesús nyinëjkxëtë ye'epy mejy wiinkëjxm.

Mateo 14:25 ပူးပေါင်းရင်းမြစ်များ

Job 9:8

Ko yë tsajp twijtstëëy, ka'ap ojts pën pyutëkëty ets ko tyajkutëkooy yë mëjëtypë jëyujk, näy ka'ap pën pyutëjkëyë.

Juan 6:19

Ko ënety tëë mëkoxk mil ëkë tëtujk mil metrën nyëjkxnëtë nëë'itkujky ënät t'ijxpatë ja Jesús ko ja kepy nëëwinye'epyë tmëwinkony ye'epy mejy wiinkëjxm ets ojts tsyë'ëkëtë.

Marcos 6:48

Tääts ja Jesús ojts t'ixy ko ja y'ijxpëjkpëtëjk tsip tjantykyaaptë ja nëë, jä'äkyëjxm ko tëkatsy pyojy, pojwinpijtp ja kepy nëëwinye'epyë. Ko jyopyëp'ajty, ënät ja Jesús ojts tninëjkxy ja y'ijxpëjkpëtëjk ye'epy nëëwiinkëjxy nyijkxy ets tnajtspatëy jawäänë tkawinajxy ja y'ijxpëjkpëtëjk.

Mateo 24:43

Yë'ë nijawëtë, ko jeexyë tu'uk ja kutëjk nijawë ko koots myina'any ja mä'tspë ma tyëjkën, ka'ap jeexyë myaanaxy këtiipë tyëkëty ja mä'tspë ma tyëjkën ets tyonëty myäätsëty.

Lucas 12:38

Akujk jotkujk yajpaatë ja tuunpëtëjk mëti'ipë wijy kejy yajpatëpën, oy ja wintsën tyimja'tëty tsu'umkujk, ëkë jopyëp ëkë koots.

Salmos 104:3

Mijts të xypyëjktä'äky yë nyixeny yë mjëën mtëjk nëëwiinkëjxy, mëti'ipë jam tsajpjotm mtuktsëna'ayëpën. Ko muum mnëjkxy pojjoty yootsjoty mjëtity.

Apocalipsis 10:5

ets xyajjë'ky a'oytsow ja tsajpjotmëtë kukäjpxy mëti'ipë ënety tu'uk ja tyeky të tkukapën mejyjoty ets tu'uk ja tyeky naaxwiinkëjxy,

Apocalipsis 10:2

Tam tu'uk tmëëtëty ja noky apëtijtwä'kxy ets ja y'a'oytyeky ojts tuknaswa'akë mejyjoty ets y'anajnytyeky naaxwiiny.

Apocalipsis 10:8

Tääts ja ayuk ojts xymyëkajpxkojnëpës mëti'ipë ënety të n'ëkmëtoopën tsajpjotm ets xynyëmaayës: Nëjkx xy'ëxajë ya'atë noky apëtijtwä'kxypyë mëti'ipë yë tsajpjotmëtë kukäjpxy jam kyë'ëkony'ajtypyën, mëti'ipë tënääpyën mejy wiinkëjxm ets naax wiinkëjxm.

Marcos 13:35

Näyjyëtu'un miitsëty, xëmë mjëjp'ixtëty, jä'ä ko ka'ap xynyijawëtë jëna'a jya'ta'any ja wintsën mëti'ipë kutëjk'ajtpën; ajotkumonë nëjkx jyä'ty: Wä'än ux jajmony, ëkë tsu'um, ëkë tsu'umnaxy, ëkë tsajp'okpu'uy.