Mateo 14:24 - Biblia Dc en Mixe de Quetzaltepec

²⁴ ja kepy nëëwinye'epyë tëë ënety këjää tmëjëkämkäknë ja wintë'ëts naax. Yajxon ja kepy nëëwinye'epyë jyänty pyojyu'kxy, jä'ä ko jëëmpit'äämpy ënety pyojy.

Biblia Mixe de Quetzaltepec

²⁴ ja kepy nëëwinye'epyë tëë ënäty këjää tmëjëkämkäknë ja wintë'ëts naax. Yajxon ja kepy nëëwinye'epyë jyänty pyojyu'kxy, jä'ä ko jëëmpit'äämpy ënäty pyojy.

Mateo 14:24 ပူးပေါင်းရင်းမြစ်များ

Juan 6:18

Ënet ja nëë y'ëtëtstäky ko ja mëkpoj myiiny.

Marcos 6:48

Tääts ja Jesús ojts t'ixy ko ja y'ijxpëjkpëtëjk tsip tjantykyaaptë ja nëë, jä'äkyëjxm ko tëkatsy pyojy, pojwinpijtp ja kepy nëëwinye'epyë. Ko jyopyëp'ajty, ënät ja Jesús ojts tninëjkxy ja y'ijxpëjkpëtëjk ye'epy nëëwiinkëjxy nyijkxy ets tnajtspatëy jawäänë tkawinajxy ja y'ijxpëjkpëtëjk.

Mateo 8:24

Ënet ja mëkpoj ajotkumonë myiiny jam mejyjyotm. Ojts ja kepy nëëwinye'epyë y'ujtsta'ay mëët ja nëë. Maap ënety ja Jesús.

Isaías 54:11

Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Hechos 11:24

Jä'ä ko oyjyä'äy ijty ja Bernabé, mooyëp ja Kënu'kxymyëkajtën ja mëk'ajtën ets ja winma'any ets tunëty mëti'ipë ja Dios tsyojkpyën. Amuumtu'ukjot ja Jesús tmëpëky. Jëtu'un ojts nyimayëtë ja ja'ay mëti'ipë myëpëjktën ja Wintsën.

Hechos 27:4

Täätsës ntso'ontë Sidón etsës nnëjkxtë aka'anytsyow Chipre, ma ka'ap ja poj mëk ye'eyën, jä'ä ko tëkatsy ënety pyojy.