Mateo 14:19 - Biblia Dc en Mixe de Quetzaltepec

¹⁹ Ënet ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënet pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Biblia Mixe de Quetzaltepec

¹⁹ Ënät ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënät pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 14:19 ပူးပေါင်းရင်းမြစ်များ

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Dios tkukajpxëy ma ënety japëtyën ni'ëmukë ets ojts kyääytsyoony.

Marcos 6:41

Tääts ja Jesús mëkoxk ja tsajpkääky tkoonë'ky ets mäjtsk ja ajkx ets ojts pya'at'ixy tsajpwinm, jëtu'un ja Dios tkukajpxëy. Tääts ojts tujkwä'kxy ja tsajpkääky, ojts ja y'ijxpëjkpëtëjk tmo'oy ets tyajwa'kxtëty ma ja ja'ayëtyën. Näyjyëtu'un ojts tyajwa'kxta'atë ja ajkx ma ja ja'ayëtyën ni'ëmukë.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.

Romanos 14:6

Pën tu'uk ja xëëw y'ëmaay'äjtyp, Dios wyintsë'këp ko t'ëmaay'äty; pën tii jyi'kxyp, Dios wyintsë'këp ko tii tjë'kxy ets yë'ë kyukajpxëp; e pën ka'ap tii tjë'kxyën nän Dios wyintsë'këp ko ka'ap tii tjë'kxy, ets nän kyukajpxëp ma Tiosën.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Dios, tu'ukyë ënety tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

Lucas 9:14

Nimëkoxk mil ënety ja ja'ayëty. Tääts ja Jesús t'ënëmaay ja y'ijxpëjkpëtëjk: Yajnaaxwäätstë yë ja'ay tu'kkëëyi'ikyëty, niwëxtyikxy majkjaty.

Marcos 7:34

Ënet ojts pya'at'ixy tsajpwinm ets myëkxejy. Tääts y'ënäny: Efatá. Jä'ä nyiwijy: Ëwa'ats.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Marcos 6:39

Tääts ja Jesús ojts ni'ënä'ämë ets ja ja'ay nyaaxwäätstëty tu'kkëëyi'ikyëty, tsuxk ujts këjxm nyaaxwä'tstë.

Juan 11:41

Ënet ja tsaa tjëkëëytyë ets ja Jesús pya'at'ijxy tsajpwinm ets y'ënäny: Dios Teety, mijts nkukajpxëp, jä'ä ko tëëjës ja n'ayuk xymyëtoowë.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 9:16

Ënet ja Jesús tkoonë'ky mëkoxk ja tsajpkääky ets ja ajkx mäjtsk, tääts pya'at'ijxy tsajpwinm ets ja Dios tkukajpxëy. Ënet ojts tujkwä'kxy ja tsajpkääky ets tmooy ja y'ijxpëjkpëtëjk ets ja mayjyä'äy tmo'otëty.

Mateo 14:18

Tääts ja Jesús y'ënëmaayëtë: Yaa yajmintë.

Lucas 22:17

Tääts ja Jesús tu'uk tkoonë'ky ja a'ukën ets ja Dios tkukajpxëy ets y'ënäny: Ëxajëtë ya'atë ets xy'uukwa'kxtëty.