Mateo 14:11 - Biblia Dc en Mixe de Quetzaltepec

¹¹ Tääts ojts tmënëjkxtë texyjoty ets tmooytyë ja to'oxy'ëna'k ets ja to'oxy'ëna'k tmooy ja tyaak.

Biblia Mixe de Quetzaltepec

¹¹ Tääts ojts tmënëjkxtë texyjoty ets tmooytyë ja to'oxy'ëna'k ets ja to'oxy'ëna'k tmooy ja tyaak.

Mateo 14:11 ပူးပေါင်းရင်းမြစ်များ

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Ezequiel 35:6

E ëjts Wintsën, njuukyajtënës yam ntukajpxpejtyp ko mijts nkë'ëyaka'any jap o'këntujp ets o'kën yë'ë m'ixjëtitan mpajëtitanëp. Mijts mëët yë poky ko të myajja'ay ooky, ja o'kën yë'ë mpajëtitanëp.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Proverbios 29:10

Yë yajja'ay'o'kpëtëjk ooky t'ixa'antë mëti'ipë mëtëy juukyajtpën.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Génesis 49:7

Mpojkpyës yam ets poky y'itëty yë tsyip y'äkëty ëxëëkpë tëkatsypë. Ëjts n'awojpwa'kxta'ajëp maajaty yë Israel kajpn yajpaatyën.

Mateo 14:8

Ja kiixy tëë ënety ja tyaak y'akajpxëty, ënät t'ënëmaay ja Herodes: Yaa xyakëty texyjoty ja Juan Yajnëëpäjtpë ja kyëpajk.

Mateo 14:10

Ënet ni'ënä'ämëy ets ja Juan ja kyëpajk yajkatspuxëty jap pujxn tëkoty.

Mateo 14:12

Ok jyajtë ja Juan ja y'ijxpëjkpëtëjk, ets jap pujxn tëkoty tmëtpëtsëëmtë ja o'kpë ets tyajnaaxtëjkëtyë. Ojts tninëjkxtë ja Jesús ets tukmëmëtyaktë.