Mateo 13:57 - Biblia Dc en Mixe de Quetzaltepec

⁵⁷ Ets ka'ap ojts t'oyjyawëtë ja Jesús: Tääts ja Jesús y'ënëmaayëtë: Oymyaajëty, mëj'äämpy ja'ay tjëkyäptë yë Dios yë kyäjpxynyajxpë; jam ma kyë'ëm naax kyë'ëmkajpnën ka'ap ja'ay jam myëj'ixyë.

Biblia Mixe de Quetzaltepec

⁵⁷ Ets ka'ap ojts t'oyjyawëtë ja Jesús: Tääts ja Jesús y'ënëmaayëtë: Oymyaajëty, mëj'äämpy ja'ay tjëkyäptë yë Tios yë kyäjpxynyajxpë; jam ma kyë'ëm naax kyë'ëmkajpnën ka'ap ja'ay jam myëj'ixyë.

Mateo 13:57 ပူးပေါင်းရင်းမြစ်များ

Juan 4:44

Jëtu'un ja Jesús kë'ëm y'ënäny, ko ka'ap ja Dios käjpxynyajxpëtëjk yajwintsë'ëkëtë ma kyë'ëmkajpnën.

Mateo 11:6

Ets akujk jotkujk ja'ay yajpaaty mëti'ipë ka'ap y'anäp y'atä'pxën maas ëjtsën.

Lucas 4:24

Ets jyaak'ënany: Tëy miits n'ënëëmëtë ko nitu'uk ja Dios ja kyäjpxynyajxpë oy kyayajkupëky ma nyaax kyajpnën.

Juan 6:61

Ja Jesús ojts nijawë ko jëtu'un myäytyë tyajtë, paaty tyajtëëy: ¿Ya'atë miits mka'oyjya'awëtëpë?

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Juan 6:42

ets nyäy'ënanëtë: Këtii yë'ëjëty ya'atë Jesús, José myaankë. N'ixy'ajtëm yë tyaak tyeety. ¿Wi'ix jëtu'un tyam y'ënaanpë ko tsajpjotm tsyoony?

Lucas 7:23

Ets akujk jotkujk ja ja'ay mëti'ipë ka'ap ja myëpëjkën tyajtëkoyën ma ëjtsën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Marcos 6:14

Tääts ja yajkutujkpë Herodes tmëtoopaty ko ja Jesús ni'ik yajnikäjpxy yajnimëtyä'äky ets ja myëj'ajtën tëë ënety ja naax kajpn tnija'awëtya'atë. Tam mëti'ipë ënaanpën: Jä'ä ja Juan Yajnëëpäjtpë të jyuukpyiky, paaty tmëëtëty ja mëk'ajtën ets tyaj'ixëtëty ja mëj'ajtën.

Marcos 6:3

¿Këtii yë'ëjëty ja tsäjtspë, Maria yë y'u'unkë, Santiagë myëkä'äxë, mëët ja José ets ja Judas ets ja Simón? ¿Këtii yaajëty yë myëkä'äxtëjk to'oxy ëna'kpë tsyëënëtë? Ka'ap tmëpëjktë ja Jesús.

Mateo 13:58

Ets ka'ap ja Jesús jam ja mëj'ajtën may tuuny, jä'ä ko ka'ap ja ja'ay myëpëkyë.

Marcos 6:1

Tääts ja Jesús jam tsyo'ony ets ojts nyijkx kyajpnjotm mëët ja y'ijxpëjkpëtëjk.

Marcos 6:4

Tä ja Jesús y'ënëmaayëtë: Yajwintsë'këp ja Dios ja kyäjpxynyajxpë oy tyimmaajëty, jämyë ka'ap yajwintsë'ëkëtë ma nyaax kyajpnën, ma jyiiky myëku'ukën ets ma tyëjkën.