Mateo 13:5 - Biblia Dc en Mixe de Quetzaltepec

⁵ Jatu'kpëky ja tëëmt ojts kyä'äy tsaajoty, ma ja naax ka'ap myäjpxyëtyën. Tsojk myujxy, jä'ä ko ka'ap ja naax myäjpxyëty.

Biblia Mixe de Quetzaltepec

⁵ Jatu'kpëky ja tëëmt ojts kyä'äy tsaajoty, ma ja naax ka'ap myäjpxyëtyën. Tsojk myujxy, jä'ä ko ka'ap ja naax myäjpxyëty.

Mateo 13:5 ပူးပေါင်းရင်းမြစ်များ

Ezequiel 11:19

Njëpëkäämpyës yë jyot wyinma'anyëty, jëtu'unpë tä tsaajën ets nmo'oja'antës ja jyuukyjotëty mëët ja jemypyë ja jot winma'any.

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Zacarías 7:12

Juun ja y'aaw jyot tpëjktaktë tä juuntsaajën ets ka'ap tmëtoowkujkëtyë wi'ix ja ijxpëjkën jya'ëna'anyën ets wi'ix ja tyiyajtën jyaminyën, mëti'ipë ojts tjakajpxnaxtën ja käjpxynyajxpëtëjkëty mëët ja myëjaaw myëk'ajtën ja Wintsën mëti'ipë maaytyääyëpën winë. Paatykyëjxm ja Wintsën mëk jyoot'anpëjky,

Mateo 13:20

Ja tëëmt mëti'ipë ojts kyä'äyën tsaajotm, jëtu'un jä'ä ijxtëm ja'ay tmëtoow'itën yë Dios y'aaw y'ayuk ets akujk jotkujk tkupëktë.

Mateo 13:4

Ets ko ja tyëëmp twëjjëtijty, tääts tu'kpëky ja tëëmt ojts kyä'äy tu'ujotm. Ënet ja joon myiintë ets tpiiwmujktë.

Mateo 13:6

Ko ja xëëw pyejty, tääts xyo'tstaay ets tyitsy, jä'ä ko ka'ap ja tyikts.

Marcos 4:16

Ja tsajpmokpajk mëti'ipë ka'ajën tsaajotm, jëtu'un jä'ä ijxtëm ja ja'ay mëti'ipë y'amëtoow'ijtëpën ja Dios ja y'aaw y'ayuk ets akujk jotkujk tkupëky.

Marcos 4:5

Jatu'kpëky ja tsajpmokpajk ojts kyä'äy tsaajotm ma ja naax ka'ap oy myäjpxyëtyën; yë'ë tsojk mujx jä'ä ko ka'ap ja naax myäjpxyëty.